FUNDARGERÐIR

Fundargerðir 2024

Fundargerðir 2023:

Fundargerðir 2022:

Fundargerðir 2021:

Fundargerðir 2014-2020:

ÁRSFUNDUR 25.MARS 2013

Fundurinn var haldinn í skrifstofu HRFÍ síðumúla 15 þriðjudaginn 25. mars 2014. Í stjórn mættu Hilmar, Svana og Inga Lilja. Kristlaug (Dótla) boðaði forföll / einnig Guðrún.

Fundurinn var ágætlega sóttur alls voru 17 félagar mættir.

Dagskrá fundarins.

1. Kosning fundastjóra.
2. Skýrsla Stjórnar.
3. Ársreikningar.
4. Stjórnarkjör.
5. Tengiliðar / skýrslur.
6. Önnur mál.

1) Fundarstjóri kosinn Hilmar og ritari Inga Lilja.

2) Skýrsla stjórnar ekki lesin, Guðrún komst ekki.

3) Svana fór yfir reikninga deildarinnar og athugasemd kom að fjöldi hunda á deildar sýningu stemmdi ekki við fjölda HRFÍ uppgjörs. Mundaði tveimur hundum. Ánægja með innkomu á happdrættið. Reikningar voru samþykktir. ATH að sleppa verðlaunapeningum í næstu heiðrun hunda.

4) Í stjórn sitja fimm manns. Þetta árið ganga þrír einstaklingar úr stjórn deildarinnar. Þær eru Dótla, Svana og Inga Lilja. Dótla og Svana gefa áfram kost á sér til stjórnarsetu... og einnig bjóða sig fram Stella, Birna, Ingibjörg og Ástríður. Niðurstaða kosningar er þessi : að Svana, Ingibjörg og Ástríður voru með flest atkvæði. Önnur kosning fór fram til eins árs því Guðrún vill ganga úr stjórn og þær sem gefa kost á sér í þetta sæti eru : Stella, Dótla, Birna og Jórunn. Jórunn fékk flest atkvæði.

5) Tengiliðir fluttu skýrslur.

* Ásgerður Atla Atldóttir – Aussie
* Guðrún Sigurðardóttir - Border Collie
* Elín Lára Sigurðardóttir – Briard
* Ásgerður – Old English Sheepdog
* Svana – Rough collie
* Lilja Dóra Halldórsdóttir – Shetland Sheepdog

Vegna skýrslu Rough collie kom fram að tengiliður fengi ekki gögn frá skrifstofu HRFÍ. En hægt er að fá gögn frá skrifstofui HRFÍ send í árbyrgðarpósti.

6) Undir Liðnum önnur mál, tóku til máls. Björn Ólafsson óskar nýrri stjórn til hamingju og vonar að hún verði virkari en síðasta stjórn. Lára Birgisdóttir kom með tillögu að kjósa í nefnd sem heldur utanum heilsufar og hafa góð samskipti / samvinnu við tengiliði. Rætt var um DNA rannsóknir. Elín Lára Sigurðardóttir kom með fyrispurn hvernig afsögn tengiliðar færi fram. Hún vildi hugsanlega losna. Lára Birgisdóttir kom með tillögu að haldin yrði deildarsýning 2015 og vera tímanlega með alla vinnu, tilnefna t.d. 3manna nefnd og vera tímanlega að finna dómara. Guðrún Sigurðardóttir nefndi breytt fyrikomulag á smalahunda námskeiði, hún vill halda námskeið í samráði við tengiliði tegunda. Björn Ólafsson spurði hvort ætti ekki að ræða það að sameinast við Schäferdeild og stjórn beðin um að kanna það.

Skýrsla stjórnar var ekki lesin því Guðrún komst ekki á fundin og var rætt um að hún kæmi á deildarsíðuna. Muna að senda skýrslu stjórnar til stjórnar HRFÍ. Fleira var ekki rætt. Fundi slitið.

Ritari Inga Lilja

STJÓRNARFUNDUR 16.04.2013

Stjórnarfundur Fjár- og hjarðhundadeildar HRFÍ (FH) 15 apríl 2013, kl 20:00
Skrifstofa HRFÍ, Síðumúla 15.

Mætt eru: Guðrún Th. Guðmundsdóttir, Hilmar Sigurgíslason, Ingveldur Lilja Hjálmarsdóttir og Svanborg Magnúsdóttir.

Rætt um skipulag Deildarsýningar, farið yfir kostnaðaráætlun. Samþykkt að bæta við ungum sýnendum. Rætt um hvert ætti að fara með dómarann út að borða. Athugað með breytingu á flugi fyrir dómarann. Ákveðið að sýningin byrji kl. 10.00, laugardaginn 4 maí 2013.

Rætt um fjölda á verðlaunum og rósettum. Fjórar rósettur fyrir best in show og öldunga spurning um fleiri rósettur.
Ákveðið að hafa veitingarnar á sýningarstað á sem hagkvæmastann hátt.
Hafa aftur samband við tengiliði og hvetja fólk til að skrá á sýninguna.
Skráning á hvolpum 3-4 mánaða fer fram á síðu smalar.net. Hvolparnir þurfa að sýna heilsufarsbók og ættbók á staðnum.
Vegna mistaka fyrirfórst að senda fulltrúa á fulltrúaráðsfund.
Rætt var um heimaíðuna, uppfærslu á henni og að setja inn fundargerðir.
Rætt var um störf og hlutverk tengiliða sem trúnaðarmenn stjórnar.
Ákveðið að senda tvo fulltrúa á stefnumótunardag HRFI 21. Apríl.

Tengiliðafundur.
Mættir eru fulltrúi fyrir Aussie, Ásgerður Atla Atladóttir, fulltrúi fyrir Old English Sheepdog, Anna Jónsdóttir og fyrir Collie Rough og Smoothh Gígí sem er í símanum.
Tengiliðirnin fóru yfir það helsta sem gerðist hjá þeirra tegund á síðastliðnu ári. Og eru að vinna að skýrslu fyrir ársfund. Farið var yfir deildarsýningu og ætla tengiliðir að hvetja sitt fólk aðskrá á sýninguna.
Gígí ræddi um bréf sem hún sendi stjórn Fjár-og Hjarðhundadeild. Um augnskoðanir á hvolpum og ætar stjórnin að kanna það mál.
Rætt um ársfund sem verður haldinn 18. Aprí á skrifstofu HRFI. Framkvæmd á honum og skipulag.

STJÓRNARFUNDUR FJÁ-OG HJARÐHUNDADEILDAR 22.NÓVEMBER2012

22.11.2012. Fundur settur, allir úr stjórn mættir.

-Erindi frá Guðríði Magnúsdóttur vegna fjölgunar á augnskoðunum
-Rætt um deildarsýningu, tala við Láru, dagsetning fundin.
-HIT auðkennið (hafa samband við skrifstofu hvernig eigi að bera sig að varðandi það að sækja um auðkennið).
-Jólahittingur (aðventukvöld), Heiðrun stigahæstu hunda deildar! Senda póst á Láru v/ stigagjafa, útreikningar og heiðrunar (7.des kl. 20:00), safna vinningum - tengiliðir og stjórn!
-Rætt um paranir milli Merle hunda.
-Rætt um beiðni Fanneyjar um paranir milli Rough og Smooth collie, stjórnin komst að niðurstöðu, beiðni felld af meirihluta (4-1)
-Fundi slitið

STJÓRNARFUNDUR FJÁR-OG HJARÐHUNDADEILDAR 6. SEPTEMBER 2012

6.9.2012
Fundur settur, allir úr stjórn mættir.
- Mál frá Fanney Dagmar Baldursdóttur
Farið yfir óskir hennar varðandi paranir milli smooth og rough collie. Stjórn hefur ákveðið að senda póst til upprunalandsins, Bretlands, og óska eftir þeirra áliti.
-Rætt um heimasíðu deildarinnar, hvort eigi að endurlífga heimasíðu deildarinnar.
-Rætt um deildarsýningu
-Smalaeðlispróf
-Fundi slitið

STJÓRNARFUNDUR FJÁR-OG HJARÐHUNDADEILDAR 16.04.2013

Stjórnarfundur Fjár- og hjarðhundadeildar HRFÍ (FH)

2.nóvember, 2011

Skrifstofa HRFÍ, Síðumúla 15.

Mætt eru: Lára Birgisdóttir, María Dóra Þórarinsdóttir, Hilmar Sigurgíslason og Fanney Dagmar Baldursdóttir.

Guðrún Th. Guðmundsdóttir mætti lítið eitt seinna.

1. Umræður um deildarsýninguna, sem var aflýst af stjórn HRFÍ. Stjórnin var sammála um að það væri leiðinlegt að sýningin skuli hafa verið blásin af, en flestir í stjórn sammála um að stjórn HRFÍ hafi gert það með hag félagsins fyrir brjósti og því sátt við niðurstöðuna.
Fundur hafði verið haldinn með aðilum úr stjórnum deilda, sem höfðu sótt um deildarsýningar fyrir næsta ár. Á þessum fundi var skrifað bréf, sem átti að láta stjórn HRFÍ fá. Skjalið var undirritað af ritara FH, Fanneyju Dagmar Baldursdóttur, sem undirritaði það fyrir eigin hönd, ekki deildarinnar.

2. Samþykkt var að rita bréf til stjórnar HRFÍ þar sem óskað væri eftir að gert yrði leiðbeiningaskjal/kerfi til að auðvelda deildum að skipuleggja sýningar og veita þau svör sem upp koma við skipulagningu sýninganna. Einnig er hugmynd um að stinga upp á að “árunum” verði skipt milli deilda til deildarsýninga. Þannig fái deildirnar “úthlutað” ákveðnum árum til að halda deildarsýningar.

3. Stungið var upp á að halda opna sýningu næsta sumar t.d.júní. Yrði þá fenginn dómaranemi, sem hefði áhuga á grúppu 1, til að dæma. Yrði fjárhagslega hliðin af þeirri sýningu í lágmarki auk þess sem sýningin sjálf tæki stuttan tíma að skipuleggja og undirbúa.

4. Eins og áður hefur komið fram voru nokkrir af elstu ræktunarhundum Border collie sendir í DNA próf til að fá örugga niðurstöðu á CEA, TNS og CL.
Til að halda áfram að fylgjast með þessu í stofninum verður mælst til þess við þá sem eru að rækta undan sínum hundum, og eru með ókunnan heilsustatus að láta DNA prófa ræktunardýrin fyrir þeim sjúkdómum, sem niðurstöður vantar í.

5. Vegna þess hversu erfitt er að komast að með hunda í skapgerðarmat og vegna þeirrar staðreyndar að það eru til betri próf (s.s. Eðlispróf deildarinnar) til að kanna eiginleika hunda í deildinni hefur stjórn FH ákveðið að hætta að mæla með að hundar innan deildarinnar fari í skapgerðarmat.

6. Stjórn FH ætlar að óska eftir því við stjórn HRFÍ að fellt verði niður sú krafa um að Border collie hundar þurfi að hafa staðist skapgerðarmat til að fá íslenska meistaratitilinn.

7. Þarf að athuga hvort þörf sé á að breyta heilsufarsreglum hjá Malinois og Collie rough og að bætt sé við í reglurnar að ekki megi rækta undan hundum með D eða E mjaðmir. Heyra í tengiliðum þeirra tegunda.

8. Sótt var um titilinn HIT (Herding Instinct Test) fyrir fjárhundaeðlisprófið, til stjórnar HRFÍ. HRFÍ óskaði eftir því við FH að skoðað yrði hvernig þessu væri farið í öðrum löndum.
Að mörgu leiti er erfitt að athuga það þar sem þetta próf hefur verið þýtt frá bandarískum reglum og FH er að vinna visst frumkvöðlastarf. Því er erfitt að leita til annarra félaga með hvernig þeir hafa haft þetta.

9. Áhugi er fyrir að óska eftir breytingu hvað varðar vinnupróf fyrir þær tegundir sem það þurfa til íslensks og alþjóðlegs meistaratitils. Vill FH fá fjárhundaeðlisprófið sett inn í staðinn fyrir hlýðni- og sporapróf. Það er mun eðlilegra að kanna eiginlega þessara hunda til vinnu með fé heldur en hlýðni eða spor.

10. Fyrir nokkru barst bréf til FH og HRFÍ þar sem spurst var fyrir um hverjar reglur væru í sambandi við pörun á Collie smooth við Collie rough.
Eins og er eru engar reglur til hvað þetta varðar og reglur ólíkar í Evrópulöndunum. Var þetta rætt hjá stjórn FH en ekki komist að niðurstöðu. Var ákveðið að senda fyrirspurnina áfram til stjórnar HRFÍ og heyra þeirra álit.

11. Þann 2.desember, kl.20:00 verða stigahæstu hundar deildarinnar verðlaunaðir. Ákveðið hefur verið að halda aftur “jólafund” svipaðan þeim sem var í fyrra enda var hann mjög vel heppnaður. Stjórn og tengiliðir sjá um að safna vinningum, útbúa skjöl og mæta með veitingar og annað sem þarf fyrir kvöldið. Miðaverð verður það sama og í fyrra.

12. Hugmynd kom upp um fá dýralækni hingað til að augnskoða, að hann komi þá t.d. 5 sinnum á ári og þá bara einn í hvert sinn, í stað þess að það komi 2 í einhver skiptin. Ástæðan fyrir þessu er að sú skoðun sem er mikilvægust hjá mörgum tegundum í deildinni er hvolpaskoðunin fyrir Collie Eye Anomali, sem er þegar þeir eru 6-12 vikna eða sem yngstir. Hundur sem ekki hefur verið skoðaður á þeim tíma er aldrei hægt að skrifa annað en "go-normal", sem þýðir að hann getur verið beri.

Fundargerð ritar: Fanney Dagmar Baldursdóttir.

___________________________________________________________________________________

02.11.11 - TENGILIÐAFUNDUR.

TENGILIÐAFUNDUR FJÁR- OG HJARÐHUNDADEILDAR HRFÍ

SKRIFSTOFU HRFÍ, SÍÐUMÚLA 15,

2.NÓVEMBER, 2011.

Mætt eru auk stjórnar: Ásgeður Atla Atladóttir, Guðrún S. Sigurðardóttir, Elín Lára Sigurðardóttir og Hrefna Jónsdóttir.
Forföll tilkynntu: Guðríður Magnúsdóttir, Ylfa Ólafsdóttir, Bjarni Helgason og Lilja Dóra Halldórsdóttir.

– Stjórn sagði frá titlinum sem hafði verið sótt um vegna “Herding Instinct Title” (HIT), fyrirspurnar stjórnar HRFÍ um titilinn og að þeim yrði aftur sent bréf til að svara því.

– Rætt var um bréf sem verður ritað til stjórnar HRFÍ þar sem óskað er eftir að kröfum verði breytt hjá þeim tegundum sem þurfa vinnupróf/mental test til að ná meistaratitli. Óskað verður eftir að “eðlisprófið” komi inn í staðinn fyrir spor eða hlýðni, þar sem það segir mun meira um eðli tegundanna. Mental test verður óskað eftir að verði fellt niður til að ná íslenskum meistaratitli (á aðeins við um Border collie).

– Deildarsýningar sem hætt var við á næsta ári voru ræddar og sagt frá að deildin ætlar að óska eftir því við stjórn HRFÍ að það yrði gert leiðbeiningaskjal til að auðvelda deildum að skipuleggja og undirbúa deildarsýningar. Einhverskonar “tjekklisti” myndi auðvelda deildum mjög skipulagsstarfið.

– Hugmynd um að halda opna sýningu á næsta ári, t.d. í júní. Talað yrði við einhvern dómaranemanna, sem hefur áhuga á grúppu 1 til að dæma fyrir okkur. Fjárhagslega og undibúningslega yrði þetta mun minna umsvifum en deildarsýning hefði verið.

– Tengiliðir sögðu frá hvað væri að gerast í þeirra tegundum og hvernig heilsufarið væri innan tegundanna. Var fróðlegt og gott að heyra hversu algengara það er að verða að fólk láti augnskoða, mjaðmamynda og annað sem krafist er innan hverrar tegundar. Heilsufar verður að segjast almennt gott hjá hundunum okkar og ræktendur/hundeigendur vel vakandi yfir að það þurfi að fylgjast með heilsufarinu til að halda áfram á sömu braut.

– Jólafundurinn skipulagður frekar. Jólafundurinn verður 2.desember kl.20:00 og verða stigahæstu hundar deildarinnar heiðraðir. Valhappadrætti deildarinnar verður einnig partur af jólafundinum en þetta happadrætti var einnig í fyrra og vakti mikla lukku þar.

Fundargerð ritar; Fanney Dagmar Baldursdóttir.

Stjórnarfundur Fjár- og hjarðhundadeildar HRFÍ.
Völuteigi 15, 270 Mosfellsbæ, þriðjudaginn 13.september 2011

Fundarefni: Deildarsýning FH 2012.

Fundurinn var símafundur en helmingur fundarmanna voru mættir í Völuteig 15.
Í Völuteigi voru stödd; Lára Birgisdóttir, Fanney Dagmar Baldursdóttir og Hilmar Sigurgíslason.
Viðstödd gegnum síma: María Dóra Þórarinsdóttir, Guðrún Th. Guðmundsdóttir og Guðríður Magnúsdóttir, tengiliður Collie, sem hafði tekið að sér að skipuleggja deildarsýninguna.

Eina sýning deildarinnar var haldin 2008 og þótti því kominn tími á nýja deildarsýningu þar sem deildin er orðin 5 ára (stofnuð 2006). Í nóvember 2010 var stungið upp á Guðríði Magnúsdóttur til að skipuleggja þá sýningu og tók hún það að sér.

Umsóknum um deildarsýningar komandi árs á að skila inn fyrir september en sótt hafði verið um frest fram að stjórnarfundi HRFÍ, 14.september.

Gert hafði verið ráð fyrir að sýningin yrði útisýning, yrði haldin að Hólum í Hjaltadal og dómari fenginn frá Danmörku, Tomas Rohlin. Sýninguna átti að halda 9.júní.
Farið var yfir fjárhagsáætlunina, sem stjórn hafði fengið fyrr um daginn. Farið var yfir hvern lið og hann lagfærður í átt að þeim upplýsingum sem stjórnarmenn höfðu. Einnig var ræddur sá möguleiki að bjóða annarri tegund með en áhugi fyrir því var frekar dræmur og því ákveðið að deildin stæði ein að sýningunni.

Stjórn og nokkrir ræktendur höfðu lýst sig tilbúna til að „fjölmenna“ á sýninguna og var því hægt að gera ráð fyrir um 60 hundum á sýninguna og miðað við það yrðu tekjur 237.600,-

Samanlagður kostnaður var reiknaður á 235.000,-

Ekki var farið yfir þær leiðir sem deildin gæti nýtt sér til að afl sér tekna heldur eingöngu farið í hreinar tekjur og útgjöld kringum sýninguna sjálfa.

Töluverð umræða varð í kringum staðsetninguna á sýningunni og voru misjafnar skoðanir um hvort halda ætti sýninguna nær höfuðborginni þar sem einhverjir myndu sjálfsagt setja fyrir sig að keyra norður. Ákeðið var að halda þessari staðsetningu þar sem lagt hafði verið upp með hana í upphafi.

Kosið var um hvort stjórn vildi sækja um sýninguna til stjórnar HRFÍ og var niðurstaðan sú að allir voru sammála þótt áhugi væri mismunandi og mismikill.

Gengið frá umsókninni og hún send stjórn HRFÍ.

Fundargerð ritar; Fanney Dagmar Baldursdóttir.

Stjórnarfundur 28. apríl 2011
Heimsenda
Mættir: Lára, Hilmar, María Dóra, Guðrún Th, Fanney boðaði forföll

.Þann 23 mars 2011, var haldinn aðalfundur Fjár og hjarðhundadeildar. Nýir stjórnarmenn voru kosnir í stjórn, Hilmar Sigurgíslason og Guðrún Th Guðmundsdóttir.
Stjórn er þannig skipuð 2011-2012
Formaður Lára Birgisdóttir
Ritari Fanney Dagmar Baldursdóttir
Gjaldkeri María Dóra Þórarinsdóttir
Meðstjórnendur Guðrún Th Guðmundsdóttir og Hilmar Sigurgíslason.

Hafa féttir um "von á gotum" á heimasíðu FH.
Umræða um deildarsýngar.
Umræða um Smalaeðlispróf í ættbók og skammstöfun HIT (herding instinct test). María Dóra ritar bréf til stjórnar um HIT, svar hefur borist:
Stjórn HRFÍ óskar eftir nánari upplýsingum um titlinn m.a. hvernig þetta er á Norðurlöndum, Bretlandi og öðrum FCI löndum og hvaða auðkenni þeir nota.
Umræða um valhappadrætti sem tókst vel fyrir jólin og að fá sérstaka miða raffeltickets fyrir deildina.
Lára ritaði fundagerð!

Stjórnarfundur Fjár- og hjarðhundadeildar HRFÍ. 1.NÓVEMBER 2010
Síðumúla 15,
Mætt eru: Lilja Dóra, Lára, Bjarni, María Dóra og Fanney, sem ritar fundargerð. Guðrún S., tengiliður Border collie mætti einnig vegna DNA málsins hjá Border collie.
Fyrsta mál á dagskrá var DNA mál Border collie. Stjórninni hafði verið send grein um DNA prófin sem höfðu verið tekin af nokkrum Border collie hundum. Lilja Dóra óskaði eftir að fá að breyta eitthvað textanum áður en greinin birtist í Sámi.
Reikningar vegna DNA prófanna voru lagðir fram og samþykktir. Þeir verða greiddir af ágóðanum sem var af Sumarsýningu FH en hann var rúmlega fyrir kostnaðinum.
Deildin hefur fengið úthlutaða kennitölu; 630410-2580. Stofna þarf reikning í nafni deildarinn og vantar Lilju Dóru umboð til þess.
Lára ætlar að skrifa um deildarsýninguna og verður það birt í næsta Sámi, sem kemur út.
Hugmynd kom upp um að auglýsa eftir básastjóra sem sér um allt sem viðkemur deildarbásnum á sýningum og úthlutar verkefnum til annarra í deildinni.
Deildinni barst erindi frá Guðríði Magnúsdóttur vegna sýninga félagsins og dómaranna.
Erindið var einnig sent stjórn HRFÍ og sýningarstjórn. Guðríður vildi fá að vita hverjir kæmu til með að dæma hvaða tegund áður en sýningarfrestur rennur út.
Stjórninni fannst það ekki vera þeirra að svara fyrir þetta og benda á að skrifa sýningarstjórninni. Eftir að hafa aflað sér upplýsinga um skipulag kringum sýningar er talið að það sé ógerlegt að ákveða það fyrirfram þar sem hvern dómara þarf að fullnýta og hefur þurft að sækja um leyfi til að setja fleiri hunda fyrir hvern dómara heldur en er leyfilegt. HRFÍ reynir að gefa út hverjir dæmi hverja tegund eins fljótt og hægt er.
Fanney sendir Guðríði svar um þetta efni.
Athuga á með deildarsýningu fyrir árið 2012. Frestur til að sækja um sýningu fyrir árið 2011 er útrunnin svo stefnt er á 2012. Hugmynd er um að finna einhvern einstakling sem vill taka að sér skipulagningu á þeirri sýningu.
Jólafundur verður haldinn 1.desember á skrifstofu félagsins.
Stigahæstu hundar deildarinnar verða verlaunaðir , jóla“kaffi“ og smákökur verða reiddar fram og hugmynd kom fram um happadrætti, þar sem ágóðinn færi í sjóð Fjár- og hjarðhundadeildar.

Tengiliðafundur Fjár- og hjarðhundadeildar,Skrifstofu HRFÍ, Síðumúla 15.1.nóvember, 2010.
Mætt eru: Hrefna, Guðríður, Guðrún S., Systa, Bjarni, Fanney & stjórn FH.
Forföll tilkynnti: Elín Lára.
Ekki mætt: Ylfa.
Áhugi er fyrir að halda deildarsýningu árið 2012. Hugmynd kom upp um að halda n.k. sýningarstjórn sem myndi taka á sig skipulagsvinnuna kringum sýninguna og sjá um að allt fari að reglum og ekkert vanti.
Stungið var upp á Guðríði Magnúsdóttur til að taka starfið að sér og ætlar hún að hugsa málið. Vonast er til að sjá þá fleiri Collie hunda á sýningunni.
Leitað var eftir básastjórnandi og bauðst Systa til þess að taka verkefnið að sér til að byrja með.
Samþykkt var að halda jólafund 1.desember í húsnæði HRFÍ og verða stigahæstu hundar tegundanna þá verðlaunaðir. Tengiliðir sjá um að koma með eitthvað með kaffinu það kvöld.
Tengiliður Collie óskar eftir að fundirnir verði haldnir daginn fyrir frídag til að gefa þeim sem koma utan að landi færi á að mæta á fundina.
Bjarni sagði frá fulltrúaráðsfundi sem hann hafði farið á. Hann sagði að tölvukerfið sem HRFÍ er að fara að taka í notkun hafi verið aðalumræðuefnið en þetta tölvukerfi á að auðvelda starfið mikið fyrir starfsfólk skrifstofunnar og þar með þjónustuna við félagsmenn. Félagsmenn geta þá skráð og greitt beint gegnum þetta kerfi og þarf ekki lengur að hafa samband við skrifstofuna til þess. Kerfið er dýrt og mun taka einhvern tíma að borga sig upp.
Dýralæknir er að koma frá Englandi á vegum einnar deildar félagsins og er okkur í FH velkomið að mæta með okkar hunda til hans til að fá „annað álit“. Sömu dýralæknar hafa komið undanfarin ár á vegum HRFÍ og eru einhverjir mjög ósáttir við það og er þetta því frábært tækifæri fyrir þá að mæta með hundana.
Guðrún S. sagði frá smalaeðlis- og fjárhundaprófum sem hafa verið haldin en þar hafa Briard, Aussie og Border collie mætt í prófið. Hundarnir fá 15 mínútur til að sýna sig skv. þeirri vinnu sem þeirra tegund á að sýna.
Tengiliðir sögðu frá því sem hefur verið að gerast hjá þeirra tegund á árinu.
Border collie: hefur komið 1 got, von er á öðru og 1 tík var flutt inn.
OES: Von á á goti frá þeim á nýju ári. Parið fór í augnskoðun og eru bæði frí á augum.
Collie rough: Tvö got hafa fæðst á árinu og von á goti í lok árs.
Australian shepherd: 1 got hefur verið á árinu.
Sheltie: Tvö got hafa fæðst á árinu og von er á einu. Ein tík var flutt inn til landsins.
Á næstu sýningu félagsins, sem verður í lok mánaðarins, er gert ráð fyrir 7 manns í vinnu frá deildinni. Upplagt að hver tengiliður reyni að senda alla veganna 1 mann í vinnu frá sér.

Fundargerð ritaði Fanney D. Baldursdóttir
-------------------------------------------------------------------------------------------------------------------------

Stjórnarfundur hjá Fjár- og hjarðhundadeild HRFÍ,
Skrifstofu HRFÍ, Síðumúla 15.
Dags: 9.apríl, 2010.

Mætt eru; Lára Birgisdóttir, María Dóra Þórarinsdóttir, Lilja Dóra Halldórsdóttir og Fanney Dagmar Baldursdóttir, sem ritar fundargerð.

Fyrsti stjórnarfundur eftir aðalfund 2010.
Sömu menn voru kosnir í stjórn og voru áður og helst skipan innan stjórnarinnar.
Þar sem HRFÍ hefur hvatt deildir félagsins til að stofna eigin kennitölu og þess var þörf vegna opnu sýningarinnar 22.apríl var ákveðið að sækja um kennitölu fyrir deildina. Gjaldkeri var kosinn; Lilja Dóra Halldórsdóttir. Mun hún einnig sjá um bókhald fyrir deildina.

Búið er að opna Facebook síðu fyrir deildina vegna sömu sýningar.

Farið var yfir hvaða verðlaun þarf að hafa tilbúin fyrir sýninguna.
Valið verður í 4 efstu sæti og mun því þurfa mest 16 verðlaun fyrir hverja tegund.
Opinn flokkur; rakkar & tíkur og hvolpar; rakkar & tíkur.
Tengiliðir eiga að sjá um að útvega verðlaunin. Byrjað er að safna verðlaunum frá hinum ýmsu fyrirtækjum.

----------------------------------------------------------------------------------------------------------------

Tengiliðafundur Fjár- og hjarðhundadeildar HRFÍ, fyrir aðalfund 31.03.2010.
Mosfellsbæ.

Mætt eru: Elín Lára Sigurðardóttir, Guðrún S. Sigurðardóttir, Alexandra Stegeman, Guðrún Th. Guðmundsdóttir, Lilja Dóra Halldórsdóttir, Lára Birgisdóttir, María Dóra Þórarinsdóttir, Guðríður Magnúsdóttir og Fanney Dagmar Baldursdóttir.

Lilja Dóra sagði frá fulltrúaráðsfundi, sem hún sótti fyrir hönd deildarinnar. Þar kom m.a. fram að nú mega hundeigendur leita til OFFA í sambandi við aflestur HD mynda tengda heilsufarskröfum HRFÍ. Áður var það eingöngu NKK sem mátti sjá um þennan aflestur.

Lára sagði frá nýjum tengiliðum innan deildarinnar en það eru:
Ásgerður Atladóttir sem tekur við af Alexöndru Stegeman fyrir Australian shepherd, Bjarni Helgason tekur við af Ásu Knútsdóttur fyrir Puli og Lilja Dóra Halldórsdóttir tekur við af Guðrúnu Th. Guðmundsdóttur fyrir Shetland sheepdog.

Opin sýning verður haldin á Sumardaginn 1., 22.apríl. Sýningin er haldin til að afla fjár fyrir DNA próf sem eru tekin vegna 3 sjúkdóma sem finnast í Border collie. Sýni voru/verða tekin úr þeim rökkum sem eru á bakvið Border collie stofninn á Íslandi. Sýningin er skipulögð af Border collie eigendum en er fyrir alla hunda innan tegundahóps 1 (þ.m.t. Þýskur fjárhundur).
Ákveðið að FH standi á bak við sýninguna en Border collie eigendur sjá um alla skipulagningu og uppsetningu sýningarinnar.
Sýnt verður í 2 flokkum, hvolpar (tíkur og rakkar) og opinn flokkur (tíkur og rakkar).
Sýningin verður haldin í reiðhöllinni hjá Gunnari í Dal.
Tengiliður hverrar tegundar verður að útvega verðlaun fyrir sína tegund.
Tengiliðir eru beðnir um að brýna fyrir sínu fólki að það sé mjög mikilvægt að allir sem koma að sýningunni, sýnendur og áhorfendur, virði það að þetta er við heimili fjölskyldunnar og því verði fólk að ganga vel um kringum reiðhöllina og ekki að ráfa um á svæðinu.

Fanney Dagmar Baldursdóttir, ritari.

----------------------------------------------------------------------------------------------------------------

Stjórnarfundur hjá Fjár- og hjarðhundadeild HRFÍ
22.mars, 2010 að Heimsenda í Kópavogi.

Mætt eru: Lára Birgisdóttir, Lilja Dóra Halldórsdóttir, Bjarni Helgason, María Dóra Þórarinsdóttir og Fanney Dagmar Baldursdóttir, sem ritar fundargerð.

1 Aðalfundur deildarinnar verður 31.mars, 2010 í Áhaldahúsi Mosfellsbæjar, kl. 20:00. Tengiliðafundur verður haldinn á undan, kl. 19:00 á sama stað.
Á þessu ári verður kosið um sæti Láru, Maríu Dóru og Fanneyjar. Þær gefa allar kost á sér aftur.

2. Bréf var sent skrifstofu HRFÍ vegna ræktunarbanns sem hafði verið sett á nokkra Sheltie hunda eftir augnskoðun. Með niðurstöðum fylgdi frá dýralæknum að þessir hundar, sem greinst höfðu með Colobom, yrðu settir í ræktunarbann, sem gert var af skrifstofunni.
Bréfi frá FH var ekki svarað svo Lilja Dóra fylgdi þessu máli eftir og var ákveðið á skrifstofu HRFÍ að þar sem ræktunardeild fer ekki fram á þessar kröfur verði þær teknar út.

3. Ákveðið að setja viðauka í ræktunarreglur þar sem mælst er til að á móti hundum sem eru með augnsjúkdóma verði í ræktun eingöngu notaðir hundar sem eru fríir fyrir sömu sjúkdómum.

4. Border collie eigendur hafa ákveðið að láta DNA prófa þá Border collie rakka sem eru á bak við allan stofninn hérna á Íslandi. Prófað verður fyrir CEA, TNS og NCL. Með niðurstöðunum verður svo hægt að stjórna ræktuninni frekar til að koma í veg fyrir aukningu á þeim sjúkdómum sem prófað er fyrir.

5. Skoða þarf hvaða sjúkdóma er hægt að DNA prófa fyrir hjá tegundum innan FH og hvaða sjúkdómar herja helst á tegundirnar. Eru þetta DNA próf sem væri hagur fyrir okkur að láta framkvæma?

6. Kostnaður vegna DNA prófa fyrir Border collie hundana hefur verið mikill og vilja Border collie eigendur styrkja eigendur þessara hunda. Hugmynd er uppi um að halda “opna sýningu” þar sem allur ágóði rynni til að greiða fyrir þessi DNA próf.
Framkvæmd sýningarinnar yrði alfarið á vegum Border collie félagsins Smala. Verið er að skipuleggja þessa sýningu en stefnt á að hún verði haldin í apríl. Fyrir utan að vera að styrkja mjög gott mál er þetta góð æfing fyrir þá sem vilja sýna hunda.
Verið er að athuga með dómara.

7. Skapgerðarmat verður haldið fyrir deildina 13.maí n.k. Enn eru margir hundar innan deildarinnar sem eiga eftir að ljúka þessu prófi og er prófið því tekið frá fyrir hunda úr deildinni. Félagar FH hafa boðist til að vinna við skapgerðarmatið og bíða eftir fréttum frá Skapgerðarmats-hópnum. Skráning er hafin á skrifstofu HRFÍ.

----------------------------------------------------------------------------------------------------------------

Fundur hjá stjórn Fjár- og hjarðhundadeildar
30.nóv. 2009.

Mætt eru: Lilja Dóra Halldórsdóttir, Lára Birgisdóttir, María Dóra Þórarinsdóttir, Bjarni Helgason og Fanney Dagmar Baldursdóttir, sem ritar fundargerð.

Deildarsýning var ekki haldin á árinu en stefnt hefur verið að því að halda deildarsýningu á næsta ári 2010. Á því ári verða hins vegar haldnar 4 sýningar hjá HRFÍ auk þess sem HRFÍ hefur mælst gegn því að það verði haldnar deildarsýningar á árinu. Sennilegast er því að Fjár- og hjarðhundadeildin (FH) muni ekki halda eigin sýningu á komandi ári.

Agria í Svíþjóð hefur gefið út diska um heilsufar tegunda og hefur Bjarni tekið að sér að gera úrdrátt úr því, sem svo verður sett á heimasíðu FH. Það gefur gott yfirlit yfir hvaða sjúkdómar eru að hrjá tegundirnar, ekki bara þá sjúkdóma sem heilsufarskröfur biðja um heldur það sem berst tryggingafélaginu.

Ákveðið hefur verið að halda tegundafundi fyrir félagsmenn. Mun hver tegund vera kynnt auk þess sem félagið og fleira sem viðkemur tegundinni/hundum vera kynnt. Collie rough verður fyrsta tegundin og er stefnt á að hafa það í febrúar.

Aðalfundur FH verður haldinn í mars á næsta ári og er áhugi fyrir að halda fræðsluerindi samliggjandi fundinum. Verið er að leita að efni sem myndi henta og kemur flestum við í deildinni. T.d. klikkerþjálfun, smalamennska, spor, kynning á vinnuhundadeild o.fl.

Fyrirspurn frá Sheltie ræktendum kom um augnskoðanir sem eru hérna á landinu. Fenginn er dýralæknir (stundum 2) frá Danmörku og hefur komið upp sú hugmynd hvort ekki væri hægt að fá nýja dýralækna til að koma hingað. Oftast er það sami dýralæknirinn sem kemur hingað á hverju ári. Eitthvað er um misræmi hjá dýralækninum og að hann fari út fyrir sitt svið sem dýralæknir. Athugasemdir hafa einnig komið frá Collie eigendum varðandi þetta.
Lilja Dóra ætlar að skrifa stjórn HRFÍ varðandi þetta.

Fleira var ekki rætt á fundinum, næsti fundur ekki ákveðinn.

Tengiliðafundur verður haldinn að fundi loknum.

Fanney Dagmar Baldursdóttir.

----------------------------------------------------------------------------------------------------------------

Fundur tengiliða Fjár- og hjarðhundadeildar.
Mánuaginn 30.nóvember, 2009.
Skrifstofa HRFÍ, Síðumúla 15.

Fundinn sátu: Alex, Guðrún, Elín Lára, Lára, María Dóra, Bjarni, Hrefna, Jón og Fanney sem ritaði fundargerðina.
Forföll boðuðu Ása og Guðríður.
Ekki mætt: Ylfa.

Smalaeðlispróf var haldið í haust og var Guðrún prófdómari, auk þess sem hún sá um námskeiðið. Margar tegundir voru mættar í prófið og gekk öllum vel.
Fjáhundanámskeið var haldið á sama stað (Skála í Grímsnesi) og var Guðrún (kennarinn) ánægð með námskeiðið. Eins og er eru engir hundar tilbúnir að fara í FCI prófið, sem mun verða boðið uppá síðar. Námskeið verða haldin fyrir prófið.
Reglur fyrir fjárhundapróf FCI er verið að þýða, María Dóra og Guðrún eru að því.
Fræðslufundir verða haldnir fyrir félagsmenn. Byrjað verður á Collie í febrúar. Markmiðið með þessu er að ná í óvirka félagsmenn.
Rætt verður um tegundina, eiginleika, standardinn, heilsufar o.fl. sem viðkemur tegundinni og félaginu. Fólki kynnt hvað er í boði fyrir þá sem vilja vinna með hundana sína. Tengiliðir sjá um þetta.
Umræður um got innan deildarinnar þar sem heilsufarskröfur hafa ekki staðist. Mikilvægt að ræktendur fylgist með hvaða heilsufarskrafna er krafist af þeirra tegund og þeir fylgi því.
Aðalfundur verður haldinn í mars. Hann verður með sama skipulagi og venjulega. Sagt verður frá því sem hefur verið að gerast hjá tegundinni á árinu, got sem hafa fæðst og úrslit sýninga. Tengiliðum verður sent form sem þeir gera ársskýrslu út frá svo allar upplýsingar komi fram og séu svipaðar í uppsetningu.
Eingöngu á að segja frá BOB og BOS hundum í sýningarfréttum.

Fleira var ekki rætt á fundinum

Eftir fund voru verðlaunaðir stigahæstu hundar ársins:

Stigahæstu hundar ársins voru 3, allir jafnir að stigum.
Australian shepherd, ISCh Heimsenda Indjána Fjöður,
Australian shepherd, ISCh Bayshore´s Tin Soldier,
Briard, ISShCh Imbir Bezy-Bezy.

Farandbikar frá Hundasnyrtistofunni Dekurdýrum var afhentur og var það Indjána Fjöður sem hlaut hann þar sem hún hafði náð bestum einstökum árangri á sýningu HRFÍ.

Einnig fengu stigahæstu hundar hverrar tegundar viðurkenningaskjal en það voru:
Australian shepherd: ISCh Bayshore´s Tin Soldier og ISCh Heimsenda Indjána Fjöður.
Border collie: CIE ISCh FINCh LVCh LTCh RKFV RUSCh ESTCh BALTCh Demssin Handsome.
Briard: ISShCh Imbir Bezy-Bezy.
Shetland sheepdog: Moorwood Caribbean Night Copy.
Old english sheepdog: Old Cobbler´s Kindred Spirit.

----------------------------------------------------------------------------------------------------------------

Fundur stjórnar Fjár- og hjarðhundadeildar.
Mánudaginn 7.september, 2009.
Hegranesi 31, Garðabæ.

Mætt eru: Lilja Dóra, Lára, Bjarni, María Dóra og Fanney, sem ritar fundargerð

Til stendur að halda mental test fyrir Fjár- og hjarðhundadeildina nú í haust.
Enn hefur ekkert heyrst í þeim sem standa fyrir mental testunum þrátt fyrir fund sem deildin átti með Sigríði Bílddal og loforð um að útvega fólk til að vinna í prófinu.
Hugmynd er uppi um að finna fólk og dagsetningu fyrir prófið og bjóða Sigríði Bílddal að mæta.
Engar breytingar hafa orðið frá því í fyrra, enn eru nokkrir hundar sem vantar bara skapgerðarmatið til að fá alþjóðlegan titil.
Bjarni ætlar að taka að sér að athuga þessi mál frekar.

Tengiliður Old English Sheepdog (OES) hefur lagt fram þær heilsufarskröfur sem hann telur tegundinni vera fyrir bestu og verður hún lögð fram til stjórnar fyrir áramót.
Tengiliður Belgíska fjárhundsins mun skila inn nýjum heilsufarskröfum til deildarinnar fljótlega.
Aðrir tengiliðir hafa ekki farið fram á breytingar á heilsufarskröfum sinna tegunda.

Borist hefur bréf frá Guðríði Magnúsdóttur vegna misræmi á heilsufarskröfum hjá skrifstofu HRFÍ og þeim sem voru samþykktar hjá stjórn HRFÍ fyrir deild FH 2008.
Bréf þessa efnis verður sent skrifstofu HRFÍ.

Ákveðið hefur verið að halda smalaeðlispróf á vegum deildarinnar nú 20.september í Grímsnesinu. Sama fyrirkomulag verður og í fyrra en það reyndist mjög vel.

Fjárhundapróf eftir reglum FCI verður vonandi próf haldið nú í haust eftir þeim reglum. Guðrún og María Dóra eru að klára að þýða reglurnar.

HRFÍ mælist til þess að engar deildarsýningar verði á næsta ári (2010) þar sem sýningar félagsins eru orðnar 4 á ári.
FH telur þvert á móti að deildarsýning eigi alveg rétt á sér þótt sýningum hafi fjölgað og stefnir á að halda deildarsýningu á næsta ári.

Enn hafa ekki borist svör vegna meistaratitla en stjórn FH hefur óskað eftir því að eigendur hafi val hvort þeirra hundar taki skapgerðamat eða smalaeðlispróf fyrir ISCH.

Lilja Dóra leggur til að haldnir verði fræðslufundir fyrir eigendur hunda í deildinni. Yrði þá hver tegund tekin fyrir í einu og kynnt fyrir fólki; HRFÍ, námskeið, sýningar og annað sem viðkemur tegundinni, deildinni og félaginu. Hún leggur til að byrjað verði á Collie rough.
Það var tekið vel í þessa hugmynd.

----------------------------------------------------------------------------------------------------------------

Fundur stjórnar Fjár- og hjarðhundadeildar.
Fimmtudaginn 24. apríl, 2009.
Skrifstofa HRFÍ, Síðumúla 15.

Mætt eru: Lára, Lilja Dóra, Bjarni, María Dóra og Fanney, sem ritar fundargerð

Heilsufarskröfur tegundanna aftur til umræðu. Þegar heilsufarskröfur voru seinast samþykktar hjá stjórn HRFÍ varð meiri áhugi fyrir því hjá öðrum tengiliðum að endurskoða heilsufarskröfur sinna tegunda.
Ein ný tegund hefur bæst við frá því seinast var farið yfir heilsufarskröfurnar og er það Old English Sheepdog (OES). Þau hafa lagt fram óskir um hvaða kröfur þau vilja að verði gerðar til ræktunardýra OES.
Tengiliðir hafa fengið frest þangað til í september að endurskoða heilsufarskröfurnar og mun það vera lagt fram til stjórnar fyrir áramót.
Hugmyndin er að ef ósk verður um breytingar á heilsufarskröfum tegundanna þá verði þær lagðar fram til stjórnar HRFÍ einu sinni á ári.

Hugmynd er uppi um að hafa kaffisjóð fyrir deildina þar sem væri hægt að safna saman smá pening til að standa fyrir kostnaði sem leggst á deildina s.s. kynningarbæklingar, plaköt, efni við uppsetningu bása o.fl. Þetta væri þá t.d. í samfloti með fyrirlestrum sem yrðu á vegum deildarinnar.

Enn hafa ekki fengist svör við óskum deildarinnar um að breyta kröfum til ísl. og alþjóðlegs meistara. Mismikil ánægja er með þá nýju sýningartitla sem FCI hefur lagt fram og hafa verið teknir í notkun á sýningum HRFÍ.

Innan deildarinnar eru hundar sem hafa fengið stimpil í ættbók að þeir séu “ekki til ræktunar” vegna breyttra reglna hjá HRFÍ. Þessir hundar hafa í einhverjum tilvikum þegar átt einhver got og eru komnir úr ræktun sökum aldurs. Vonast er til að HRFÍ láti dagsetningu fylgja með þessum “ekki til ræktunar” stimpli svo ljóst sé að það hafi ekki átt við þegar þessi got fæddust.

Fleira var ekki rætt.

Fanney Dagmar Baldursdóttir.

----------------------------------------------------------------------------------------------------------------

AÐALFUNDUR FJÁR- OG HJARÐHUNDADEILDAR HUNDARÆKTARFÉLAGS ÍSLANDS – 2009.
19.mars, 2009.
Skrifstofa HRFÍ, Síðumúla 15.

Í stjórn Fjár- og hjarðhundadeildarinnar eru:
Lára Birgisdóttir, formaður
Fanney Dagmar Baldursdóttir, ritari
Lilja Dóra Halldórsdóttir,
María Dóra Þórarinsdóttir,
Halldór M. Ásgeirsson

Til endurkjörs í ár eru:
Lilja Dóra Halldórsdóttir, sem býður sig fram aftur og
Halldór M. Ásgeirsson, sem gefur ekki kost á sér til endurkjörs.

Tengiliðir eru:
Australian shepherd: Alexandra M. Stegemann,
Belgískur fjárhundur: Ylfa Ólafsdóttir,
Border collie: Guðrún Sigríður Sigurðardóttir,
Bearded collie: Fanney Dagmar Baldursdóttir,
Bríard: Elín Lára Sigurðardóttir,
Collie rough: Guðríður Magnúsdóttir,
Old english sheepdog: Hrefna Björk Jónsdóttir,
PON: Bjarni Helgason,
Puli: Ása Knútsdóttir,
Shetland sheepdog: Guðrún Th. Guðmundsdóttir.

Tegundir deildarinnar eru nú orðnar 10. Á árinu voru fluttir inn 4 Old English Sheepdog, 2 frá Brasilíu, þ.m.t. eini rakkinn í hópnum, 1 frá Finnlandi og 1 frá Englandi.
Lítið hafði spurst til þess OES sem var á landinu en sú tík drapst núna í haust 2008, þá 11 ára gömul.

Innflutningur:
Alls voru fluttir inn til landsins 11 hundar innan deildarinnar:
Ein Malinois tík frá Noregi, Border collie rakki frá Finnlandi, 2 Rough collie frá Svíþjóð, 4 Old english sheepdogs. Að lokum voru 3 Sheltiear fluttir inn, 2 frá Svíþjóð og ein tík frá Kanada.

Hvolpar:
Tuttugu og þrír hvolpar fæddust innan deildarinnar. Þrír Australian shepherd, 12 Border collie hvolpar fæddust í 3 gotum, 5 Rough collie í einu goti, 2 Puli hvolpar og 1 Sheltie.

Meistarar:
Níu hundar hlutu Íslenskt meistarastig eða eru búnir að ná sér í þau 3 sem þarf til að fá að sækja um það stig:
Border collieinn nýinnflutti getur nú kallað sig... Isch, Finnish ch, Estonia CH, Latvia CH, Lithuania CH, Baltic CH, Russian CH, Rkf CH DEMSSIN HANDSOME en hann mun vera kallaður Teddy heima.
Aðrir hundar sem hlutu Íslenskan meistaratitil eru:
Australian shepherd hundarnir Heimsenda Rauði Refur og Heimsenda Indjána Fjöður,
Briardinn Auðnu Salka,
Rough collie hundarnir Ingledene She´s the Power, Phrostmade Dazzling Duke og Ingledene Walkin´ to Love.
PONinn Zalotnican Backtracker.
Puli tíkin Midseamanor Gubanc,
Sheltiearnir Bláfelds Arctic Gun og Aha Hot Fine Fairydream.

Fimm hundar náðu sér í Alþjóðlegan meistaratitil en það eru:
Briardinn Heimsenda Happa Tappi,
Rough collie hundarnir Phrostmade Dazzling Duke og Ingledene She´s the Power,
Puli rakkinn Arankas Knock Me Out og
Sheltie tíkin Moorwood Caribbean Night Heiress.

Sýningar:
Það sem verður að teljast einna merkilegast við þetta ár er fyrsta deildarsýningin okkar. Sýningin var haldin í samstarfi við Deild íslenska fjárhundsins og Schnauzer deildina. Sýningin gekk mjög vel, dómari var Kenneth Edh, sem dæmdi Heimsenda Rauða Ref besta hund sýningar, Nætur Cato besta hvolpinn og Heimsenda Smala besta öldunginn. Besti afkvæmahópur sýningar varð border collie hópurinn undan Eyes of The World Yahoobelle.

Próf:
Tvö smalaeðlispróf voru haldin að Bjarnastöðum í Grímsnesi 20 september og 8 nóvember og tóku 9 hundar þátt í þeim, 8 stóðust prófið og 1 hefur tækifæri á að reyna sig aftur við tækifæri.
Fjárhundanámskeið var haldið á Bjarnastöðum og tóku 4 þátt á því.

Heilsufarskröfur:
Eftir langa baráttu við að fá heilsufarskröfur tegunda innan FH samþykktar gerðist það loks að stjórn HRFÍ samþykkti okkar kröfur. Þetta þýðir hertar kröfur hjá öllum tegundum innan deildarinnar en þó mismikið eftir tegundum. Hjá Aussie, Border collie og Briard er reglan sú að ef hundur greinist með mjaðmalos D eða E verða afkvæmi hans ekki skráð í ættbók. Nú þarf bæði að mjaðmamynda og augnskoða t.d. Collie fyrir pörun og niðurstöður að liggja fyrir.
Liggur nú fyrir hjá einhverjum tegundum að fara aftur yfir kröfur sinna tegunda og þá jafnvel að breyta fleiru.

Landbúnaðarsýning var haldin á Hellu í ágúst og var deildinni boðið að sýna sig og hundana. Hundar af flestum tegundum mættu og vöktu mikla athygli bæði hjá börnum og fulorðnum. Guðrún Sigurðardóttir sýndi Snúð sinn, ungan Border collie hund sem hún hefur verið að þjálfa í smölun. Var virkilega gaman að fylgjast með þeim, hundurinn ekki nema 1½ árs gamall.
Hundategundirnar voru kynntar hver og ein á ákveðnum tíma í sýningarhöllinni og hefur það vafalaust verið góð kynning fyrir tegundirnar og deildina.

Fjárhundakeppni FCI:
Á árinu barst okkur bréf frá FCI þar sem voru skrifaðar reglur um fjárhundakeppnir, Herding Working test og International Sheepdog Trial annarsvegar fyrir Border Collie og Kelpie (Collecting style) og hins vegar fyrir aðrar tegundir (Traditional style).
Þar sem að við höfum dómara til að dæma, aðstöðu og kindur til að halda þessi próf er meiningin að halda svona próf nú með haustinu. Búið er að þýða reglurnar og staðfæra.

Skapgerðarmat:
Stýrihópur um skapgerðarmat hélt fund með stjórn FH. Vandamál hefur verið að fá pláss í skapgerðarmati fyrir hundana þar sem þau eru ekki haldin það oft. Stýrihópurinn óskaði eftir hugmyndum og aðstoð frá FH.
Ákveðið var að við skyldum athuga hvort félagsmenn hefðu áhuga á að starfa með hópnum. Einnig er spurning um að deildin haldi sitt eigið skapgerðarmat og fái einhverja sem geta unnið með hópnum þótt ekki væri nema bara með sínum tegundahópi.

Stigahæstu hundar Fjár og hjarðhundadeildar 2008
Stigahæstu Hrfí hundarnir árið 2008 / Stigahæstu hundar Fjár og hjarðhundadeildar 2008.
8. ISCH Heimsenda Rauði Refur Australian shepherd 10 stig
12. ISCH Bayshore's Tin Soldier Australian shepherd 5 stig
12. ISCH Heimsenda Indjána Fjöður Australian shepherd 5 stig
14. ISCH Moorwood Caribbean Night Heiress Shetland sheepdog 3 stig
14. Zalotnican Backtracker Polski Owczarek Nizinny 3 stig
15. Imbir Bezy-Bezy Briard 2 stig
15. INTUCH ISCH Eyes of the World Yahoobelle Border Collie 2 stig
15. ISCH Heimsenda Yrsa Briard 1 stig

Stigahæstu Hrfí öldungar ársins 2008/ Stigahæstu öldunar Fjár og hjarhundadeildar.

4. INTUCH ISCH Eyes of the world Yahoobelle Border Collie 15 stig
7. INTUCH ISCH Heimsenda Smali Border collie 10 stig

Sjá nánar í ársskýrslu 2008 >>

----------------------------------------------------------------------------------------------------------------

Fundur tengiliða Fjár- og hjarðhundadeildar.
Fimmtudaginn 27.nóvember, 2008.
Skrifstofa HRFÍ, Síðumúla 15.

Fundinn sátu: Alex, Ylfa, Guðrún, Lára, María Dóra, Halldór, Lilja Dóra og Fanney sem ritaði fundargerðina.
Forföll boðuðu: Guðrún Th., Elín Lára og Ása.

Á fundinum sagði Lára frá því að heilsukröfur sem deildin hefur verið að berjast fyrir undanfarin 2 ár séu loksins samþykktar af stjórn HRFÍ.
Þetta er mikið ánægjuefni fyrir deildina þar sem það hefur verið hert á ræktunarreglum flestra tegunda innan deildarinnar og ætti það að bæta hag tegundanna.
Nú þegar þessar breytingar eru gengnar í gegn er áhugi hjá fleirum innan deildarinnar að herða kröfur til heilsufars ræktunardýra. Tengiliðir eru beðnir um að senda til stjórnar ef þeir hafa áhuga á að breyta kröfum fyrir sína tegund.

Tengiliðum tilkynnt að deildarsýningu FH verði sleppt árið 2009 vegna þess að áætlað er að það verði 4 sýningar hjá HRFÍ þar sem sem afmælissýningu félagsins er bætt við þessar 3 sem eru venjulega.

Skapgerðarmat: Þónokkrir hundar innan FH hafa enn ekki komist að í skapgerðarmatinu og er því um kennt að ekki sé nægur mannskapur til að halda það.
Áhugi er fyrir því hjá deildinni að aðstoða við að halda skapgerðarmat og þá jafnvel að “mennta” einhverja félagsmenn til að starfa við skapgerðarmatið. Væri þá möguleiki að halda skapgerðarmat sérstaklega fyrir hunda innan deildarinnar með “starfsmönnum” úr deildinni. Hugmyndir um að hafa þetta á kvöldin á virkum dögum í stað þess að hafa þetta um helgar. Vonandi auðveldar það að hafa upp á fólki sem getur unnið með hópnum sem sér um skapgerðarmatið.

Lára ætlar að senda bréf til stjórnar þar sem beðið verður um að teknir verði upp titlar til sýningameistara.

Smalaeðlispróf FCI kynnt. Við getum haldið HWT prófið þar sem við höfum bæði aðstöðu og dómara til að geta framkvæmt prófið. Mikill áhugi er fyrir því að prófa þetta innan deildarinnar. Verið er að semja reglurnar fyrir prófið svo hægt sé að vinna FCI titil á prófið.

Fanney Dagmar Baldursdóttir er nýr tengiliður fyrir Bearded collie og Old English Sheepdog.

Verið er að flytja inn OES til landsins og eru þá alla veganna 2 af þeirri tegund á landinu.

Áhugi er fyrir því meðal stjórnar og tengiliða að hafa opinn fund fyrir félagsmenn svo menn kynnist og og verði virkari í deildinni/félaginu.

Fanney Dagmar Baldursdóttir.

----------------------------------------------------------------------------------------------------------------

Fundur stjórnar Fjár-og hjarðhundadeildar

Föstudaginn, 24.október, 2008 að Heimsenda í Kópavogi.

Mætt eru: María Dóra Þórarinsdóttir, Halldór Ásgeirsson, Lára Birgisdóttir og Fanney Dagmar Baldursdóttir, sem ritar fundargerð.

Deildarsýning: Ákveðið að sleppa deildarsýningu árið 2009 þar sem HRFÍ heldur sérstaka afmælissýningu og þar með verða 4 sýningar á árinu 2009 á vegum HRFÍ.

Skapgerðarmat: Mikil óánægja meðal hundeigenda innan deildarinnar þar sem þeir hafa ekki komist í skapgerðarmat með hundana og biðtíminn orðinn mjög langur. Æskilegur aldur hunds þegar hann fer í skapgerðarmat er 12-18 mánaða en það er að sjálfsögðu mjög erfitt að standast þau tímamörk þegar svo langt er milli prófa og próf felld niður. Þónokkrir hundar innan deildarinnar vantar eingöngu skapgerðarmatið til að geta fengið titilinn “Íslenskur og eða alþjóðlegur meistari”.
Fundarboð hefur borist frá stýrihópi í skapgerðarmati og verður fundurinn haldinn þann 24.nóvember. Stjórn FH mun mæta á fundinn.

Bréf verður aftur sent til stjórnar HRFÍ í sambandi við kröfur til íslensks og alþjóðlegs meistara þar sem óskað er eftir því að vinnupróf verði felld niður og hundar geti orðið íslenskir og alþjóðlegir sýningameistarar. Vísað verður í bréf FCI um breyttar sýningareglur frá áramótum.

Farið var yfir heilbrigðiskröfur sem gerðar eru til tegunda innan deildarinnar.

Var farið yfir hverjar HD reglur væru t.d. í Svíþjóð, en þær eru eftirfarandi:
- SKK krefst að sumar tegundir séu mjaðmamyndaðar fyrir pörun. (HD myndaðir)
- Sé sérreglum deildanna fylgt er ræktunarbann sett á hvolpa undan foreldrum sem eru ekki fríir. (HD fri)

Australian shepherd: HD myndaðir.
Bearded collie: HD fri
Border collie: HD myndaðir
Briard: HD fri
Collie rough: HD fri
Malinois: HD fri
OES: HD myndaðir
PON: HD myndaðir
Puli: HD myndaðir
Shetland Sheepdog: engar kröfur

Smalaeðlispróf FCI: Ákveðið var að sleppa “Traditional style” og “Collecting style” prófunum en hafa “Herding working test”. Við höfum allt sem þarf til að geta haldið þau próf, bæði stað og dómara. Þegar hundur hefur staðist þetta próf verður það fært í ættbók sem vinnutitill. Prófið skiptist í tvennt. Annars vegar próf fyrir Border collie og Kelpie og hins vegar fyrir aðrar tegundir.

Reglurnar verða íslenskaðar.

----------------------------------------------------------------------------------------------------------------
Fjár og Hjarðhundadeild Hrfí.
Tengiliðafundur 15. ágúst 2008. Kl 19.
Mættir eru úr stjórn Lára, María Dóra.
Tengiliðir, Lára/ Bríard, Guðrún/ Border collie, Bjarni/ PON, Alexandra/ Australian shepherd, Ylfa /Belgískr fjárhundur, Guðrún/Sheltie.
Nanna/Old e sheepdog og Guðríður/Colle boðuðu forföll.
Rætt var undirbúningur fyrir Landbúnaðarsýningu á Hellu, um sýningu á tegundum, básafyrirkomulag og sameiginlegur bæklingur deildarinnar og fleira.
Deildargögn afhent tengiliðum.
María Dóra kynnti FCI vinnupróf fyrir fjárhunda í tegundarhóp 1. Tengiliðir ætla að kynna sér prófin.
Eðlispróf verður haldið í október á þessu ári nánari dagsetning verður sett fljótlega.
Umræður voru um smalaæfingar og hvort deildin gæti framkvæmt eðlispróf frá FCI.
Fundi slitið kl 21.

----------------------------------------------------------------------------------------------------------------
Fundur hjá stjórn Fjár- og hjarðhundadeildar
12.ágúst, 2008 – 8.fundur

Mættar eru: Lilja Dóra Halldórsdóttir, Lára Birgisdóttir, María Dóra Þórarinsdóttir og Fanney Dagmar Baldursdóttir, sem ritar fundargerð.

Forföll boðaði Halldór M. Ásgeirsson.

Blöð um fjárhundakeppni og reglur frá FCI voru afhent (Herding Working test og International Sheepdog Trial annarsvegar fyrir Border Collie og Kelpie (Collecting style) og hins vegar fyrir aðrar tegundir (Traditional style)). Spurning hvernig okkur líst á þetta og hvort þetta sé eitthvað sem myndi henta okkur hérna á Íslandi? Lesum þessi blöð yfir og ræðum á næsta fundi. María Dóra ætlar að skoða þetta og athuga hvort hún haldi að þetta henti hérna.

Landbúnaðarsýning verður haldin á Hellu helgina 22.-24. ágúst. FHD er boðið að kynna tegundir á sýningunni auk þess að sýna smölun á kindum. Guðrún S. Sigurðardóttir ætlar að taka að sér að sýna smölun með Border collie hundum sínum. Deildin verður með hunda á sýningunni 23. og 24. ágúst.
Erfiðlega hefur gengið að fá tengiliði til að finna fólk með hunda til að mæta. Á tengiliðafundi föstudaginn 15/08 verður þetta ítrekað og fólk beðið um að mæta. Álitið er að 4 hundar af hverri tegund geti verið þar í senn.

Bréfi deildarinnar til stjórnar HRFÍ um kröfur til alþjóðlegs titils hefur ekki verið svarað.
Bréfi deildarinnar til stjórnar HRFÍ varðandi heilsufarskröfur sem deildin óskar að gera til tegunda innan deildarinnar hefur heldur ekki verið svarað.

Umræður um þær kröfur sem önnur lönd gera, til að hundar nái alþjóðlegu meistarastigi. Kröfur eru mismunandi milli landa innan FCI og spurning hvort aðrar leiðir/reglur væru hentugri. Lilja Dóra ætlar að kanna þetta og kynna á næsta fundi.

Umræða um það sem er framundan hjá deildinni. Framundan eru sýningar og smalaáhugapróf verður haldið aftur með sama sniði og í fyrra. Spurning hvort hægt verði að koma við æfingum fyrir fólk og hunda fyrir prófið. Engar dagsetningar eru komnar en þær verða settar inn á heimasíðu deildarinnar eftir því sem dagsetningarnar berast.

Fleira var ekki rætt á fundinum, næsti fundur ekki ákveðinn.

Tengiliðafundur verður haldinn föstudaginn 15.ágúst.

----------------------------------------------------------------------------------------------------------------

Aðalfundur Fjár- og hjarðhundadeildar
28.febrúar, 2008.
Skrifstofa HRFÍ, Síðumúla 15.

Fundarstjóri kosinn, María Dóra Þórarinsdóttir.

María byrjaði á að lesa upp reglur ræktunardeilda.

Lára las upp skýrslu deildarinnar: sjá viðhengi “skýrsla stjórnar”.

Skýrslur tengiliða lesnar upp í eftirfarandi röð: (sjá árskýrslu 2007).

Australian shepherd
Border collie
Collie rough
Belgískur fjárhundur
Puli
Shetland sheepdog
Pon

Eftir að skýrsla Sheltie var lesin upp sköpuðust umræður vegna mikils hvolpadauða sem hefur verið hjá tegundinni. Ákveðið að deildin myndi vinna í því að fá einhver svör við því hvað er að gerast í þessu sambandi.

Þrír af 5 stjórnarmönnum bjóða sig fram aftur en það eru Lára Birgisdóttir, María Dóra Þórarinsdóttir og Fanney Dagmar Baldursdóttir. Enginn annar bauð sig fram á móti þeim og voru þær því endurkjörnar.

Önnur mál:

María Dóra sagði frá fulltrúaráðsfundi sem var haldinn 19.febrúar og hún og Lilja Dóra sóttu. María sagði þar frá því sem var að gerast hjá HRFÍ. Sjá viðhengi?

María Dóra sagði einnig frá smalaeðlisprófinu sem var haldið í haust. Sjá viðhengi: Smalaeðlispróf 2007.
Umræður sköpuðust um prófið og áhugi á að vera með sumarnámskeið fyrir smalaeðlisprófið. Erfitt er að útvega kindur í prófið þar sem það þarf 6 kindur fyrir 4 hunda og fáir tilbúnir að halda svo mörgum kindum frá fyrir námskeiðið.

Menn voru alment ánægðir með deildarsýninguna sem var í janúar. Vonast er til að hægt verði að hafa deildarsýninguna seinna á árinu 2009, þá jafnvel í ágúst. Ánægja með að halda sýninguna aftur með t.d. DÍF. Einnig var sá möguleiki aftur ræddur í sambandi við útisýningu. Við þurfum að spá í það með hverjum við viljum vinna og hvaða sýningum við viljum vera með á.

Með fundargerðinni fylgja einnig eftirtalin viðhengi:
Ársskýrsla Australian shepherd 2007
Ársskýrsla Border collie 2007
Ársskýrsla Briard 2007
Ársskýrsla Collie rough 2007
Ársskýrsla Malinois 2007
Ársskýrsla PON 2007
Ársskýrsla Puli 2007
Ársskýrsla Shetland sheepdog 2007
Skýrsla stjórnar FH 2007

Fundargerð ritaði Fanney Dagmar Baldursdóttir.

----------------------------------------------------------------------------------------------------------------

Fundur stjórnar Fjár- og hjarðhundadeildar.
Fimmtudaginn 21.febrúar, 2008.
Skrifstofa HRFÍ, Síðumúla 15.

Mætt eru: Lára, María Dóra, Lilja Dóra og Fanney Dagmar sem ritar fundargerð.
Forföll boðaði Halldór.

Í ár eru laus sæti Láru Birgisdóttur, Maríu Dóru Þórarinsdóttur og Fanneyjar Dagmar Baldursdóttur. Þær gefa allar kost á sér aftur.
Á seinasta aðalfundi FH var haldið fræðsluerindi en ákveðið var að hafa það ekki í tengslum við aðalfundinn í ár heldur stefna á að halda fræðsluerindi í samráði við HRFÍ.
Svar hefur enn ekki borist frá stjórn HRFÍ í sambandi við breytingu á alþjóðlegum meistaratitlum sem FH óskaði eftir að yrðu. Ákveðið að ítreka þetta bréf.
Sama á við um bréf um heilsufarskröfur sem óskað er eftir að séu gerðar til ræktunardýra innan FH. Farið var yfir bréfið og einhverju breytt til að koma á móts við þær athugasemdir sem bárust frá HRFÍ.
Verið er að flytja inn Old English Sheepdog og verður Nanna Zophaniasdóttir, eigandi hundsins, nýr tengiliður.
Ylfa Ólafsdóttir, tengiliður Malinois hefur óskað eftir því að nafninu verði breytt í “Belgískan fjárhund” og verða því allar 4 týpurnar undir sama tengilið. Ylfa verður því tengiliður Belgíska fjárhundsins.
Farið yfir deildarsýninguna sem FH hélt með DÍF og Schnauzerdeildinni í janúar. Sýningin gekk vel og menn almennt ánægðir með hana. Rætt var um að kannski hefði sýningin verið of snemma árs og vildu menn gjarnan halda næstu deildarsýningu í t.d. ágúst að ári.
Samvinna við DÍF gekk vel.
Vefsíða deildarinnar hefur stækkað mikið og þar sem tegundum er einnig að fjölga mun síðan stækka enn meira. Hefur þetta farið fram úr því sem stefnt hafði verið að og eru því hugmyndir um að deila síðunni niður á hverja tegund og hafa þessa síðu aðeins sem söfnunarsíðu fyrir deildina sem vísar þá áfram á síður hverrar tegundar. Á þessari síðu verður því að finna t.d. úrslit sýninga, hvolpafréttir og annað sem viðkemur öllum tegundunum.

----------------------------------------------------------------------------------------------------------------

Fundur tengiliða Fjár- og hjarðhundadeildar.
Fimmtudaginn 21.febrúar, 2008.
Skrifstofa HRFÍ, Síðumúla 15.

Fundinn sátu: Alex, Ylfa, Guðrún, Elín Lára, Lára, María Dóra og Fanney sem ritaði fundargerðina.
Forföll boðuðu: Guðrún Th., Halldór og Ása.

María Dóra sagði okkur frá fulltrúaráðsfundi sem hún og Lilja Dóru sóttu.
Greinilega margt að gerast hjá félaginu og er þá helst að nefna að verið er að vinna í að gera vef félagsins betri og skilvirkari.
Auglýst er eftir fólki til að vinna í félaginu við t.d. Mental test, ritarastörf, hringstörf og fleira.
Það sem kom kannski helst að okkar deild var að við vorum beðin um að skila áliti okkar á banni við eyrna- og skottstífingum. Vísindanefnd vildi láta banna hunda sem voru eyrna- og skottstífðir frá sýningum og öðrum viðburðum HRFÍ. Bann þetta var ekki samþykkt.
Sömuleiðis var deildin beðin um að skila sínu áliti á að HRFÍ hefði “fóðursamninga” á netinu fyrir félagsmenn, sem þess óska. Nú er hægt að fá hjá félaginu fóðursamninga en HRFÍ er ekki skuldbundið þeim samningi að nokkru leiti heldur eru þeir til leiðbeiningar fyrir félagsmenn, sem þess óska.
Rætt var um vorsýninguna en það er komið að deild FH að aðstoða við uppsetningu sýningarinnar. Deildin á að hjálpa til við að leggja teppin og taka þau saman eftir sýningu. Þetta mun verða á föstudaginn fyrir sýningu og á sunnudaginn eftir sýningu. Óskað er eftir sterkum sjálfboðaliðum.
Deildarbásarnir verða í umsjá Ylfu Ólafsdóttur. Hún mun sjá um að skipuleggja básana og sjá til að fólk bjóði sig fram að sitja á básunum þegar þeirra tegund er.
Sýning/kynning verður einnig í Garðheimum. Þeir sem óska eftir að taka þátt þar eru beðnir um að skrá sig sjálfir þar sem hver tegund verður að sjá um sig, það verður ekki sameiginleg uppsetning frá deildinni. Þeir sem óska eftir að fá lánaða tegundaborðana hjá deildinni tali við Ylfu.
Lára talaði um að hún vildi gjarnan að deildin fengi að auglýsa dagskrá básanna í sýningarskránni. Hún ræddi við HRFÍ en það var orðið of seint auk þess sem þetta þyrfti að taka sérstaklega fyrir.
Í stað þess ætlum við að ljósrita nokkur eintök og fá að setja í sýningarskrárnar sem liggja frammi á laugardagsmorgun.
Ákveðið að tengiliðir myndu lesa ársskýrslu sinnar tegundar á aðalfundinum. Eru þeir beðnir um að segja frá því sem hefur gerst á árinu, fjölda gota og fjölda lifandi hunda innan tegundarinnar. Hugmynd að reyna að halda betur utanum hunda innan hverrar tegundar.
Heimasíðan orðin of þung í vinnslu svo tengiliðir eru beðnir um að athuga hvort þeir eða einhverjir innan tegundarinnar treysti sér til að sjá um heimasíðu sinnar tegundar. Sú heimasíða má ekki vera heimasíða einhvers ákveðins ræktanda eða hundeiganda heldur verður að vera hlutlaus.
Hugmyndin er að hafa síðurnar líkar í uppsetningu og svipað efni á þeim.
Að lokum sögðu tengiliðir frá því sem hefur verið að gerast hjá þeirra tegundum. Tengiliðir eru beðnir um að senda ritara skýrslur fyrir aðalfundinn.

----------------------------------------------------------------------------------------------------------------

Fundur hjá stjórn Fjár- og hjarðhundadeildar HRFÍ
30.ágúst, 2007 í Háskólanum í Reykjavík.

Farið yfir þær heilsufarskröfur sem stjórn hefur farið fram á að verði við stjórn HRFÍ. Svar hefur borist frá Jónu Viðarsdóttur, formanni HRFÍ (og vísindanefnd) þar sem hún kemur með hugmyndir/spurningar við hugmyndum stjórnarinnar. Farið var yfir það bréf og ákveðið að senda aðeins breytt bréf til stjórnarinnar, þar sem stjórn FH vill halda flestum kröfum sem það setti í þessu bréfi.

Stjórn FH biður þá sem hafa með reglur Collie rough að íhuga þá vöntun á reglum sem er hjá þeim. Þeir sem hafa með reglurnar að gera ætla að fara yfir þetta aftur og skila svari til stjórnar.
Umræða var um hvort Vísindanefnd HRFÍ væri ákvarðandi eða leiðbeinandi. Niðurstaða umræðna var að Vísindanefnd er leiðbeinandi en getur tekið fram fyrir hendurnar á deildum ef þeir eru ósammála og fullnægjandi skýringar fylgja ekki frá deildum.
Ákveðið að senda bréf til stjórnar HRFÍ um reglur sem við óskum eftir að verði fyrir þær tegundir innan FH, sem þurfa að skila vinnuprófi. Sama bréf og hefur verið rætt um áður á stjórnarfundum.
Stjórn HRFÍ hefur beðið FH að skila inn nánari útlistun á hver muni dæma smalaeðlisprófið, sem FH hefur beðið um að verði viðurkennt sem vinnupróf fyrir þær tegundir deildarinnar sem þurfa vinnupróf.
Bréf hefur verið skrifað þar sem sagt er hvaða menntun/reynslu María Dóra Þórarinsdóttir hefur, en hún hefur dæmt á smalaeðlisprófi fyrir deildina.
Lára kom fram með þá hugmynd að athuga samtök í Bandaríkjunum, sem taka að sér að lesa af mjaðmamyndum hunda. www.offa.org
Það sem þessi samtök hafa framyfir t.d. það sem notað er núna hér á landi, er að öll gögn eru lögð inn á gagnagrunn, sem allir geta leitað í. Niðurstöður aflestra er kominn inn á vefinn á mun styttri tíma heldur svör berast okkur í dag gegnum NKK. Þar eru 6 vikur ekki óalgengur tími.
FH hefur unnið í því að vera með í deildarsýningu með Deild íslenska fjárhundsins (DÍF). Deildin ætlar að halda sýningu í janúar/febrúar ásamt Schnauzer deildinni. Hver deild mun þá útvega dómara til að dæma sína/r tegund/ir. Unnið er í því að finna dómara fyrir FH.

----------------------------------------------------------------------------------------------------------------

Fundur hjá stjórn og tengiliðum Fjár- og hjarðhundadeildar HRFÍ
30.ágúst, 2007 í Háskólanum í Reykjavík.

Lára afhenti gögn til tengiliða frá seinustu sýningum HRFÍ auk gagna frá augnskoðunum, mjaðmamyndatökum o.fl.
Á næstu sýningu (5.-7.október) mun deildin vera með deildarbás að venju og núna hefur Bjarni “PON” tekið að sér að sjá um og skipuleggja básinn. Hugmyndir um að koma með hluti á básinn sem einkenna deildina s.s. fjárstafi, uppstoppaða hrútshausa, gærur o.fl.
Bjarni hefur einnig búið til “logo” fyrir deildina. Logoið var skoðað og fólk mjög ánægt með það. Logoið samþykkt. Bjarni ætlar að senda það stjórninni fljótt.
Á seinustu sýningu bar á að tegundaplakötin væru aðeins farin að rispast þar sem þau eru dekkst. Hugmynd um að láta plasta þau og tekur hver tegund á sig kostnaðinn. Tengiliður Briard var ekki ánægður með mynd á plakatinu þeirra og vill fá að láta gera nýtt plakat. Það var samþykkt og tekur tegundin á sig kostnaðinn við að prenta nýtt plakat.
Önnur mál: Rætt var um sjúkdóma í hundum og hversu margir hvolpar hafa ekki náð að komast upp vegna sjúkdóma. Sérstaklega hefur borið á þessu hjá Sheltieinum. Þar hafa komið fáir hvolpar í gotum og of mikill fjöldi hvolpanna dauðfæddir eða drepast mjög ungir. Verið er að reyna að kanna hvað getur valdið þessu og hafa hvolpar verið krufnir.

ritari: Fanney Dagmar Baldursdóttir.

----------------------------------------------------------------------------------------------------------------

Fundur hjá stjórn Fjár- og hjarðhundadeildar HRFÍ.
Háskólinn í Reykjavík, 23. apríl 2007.

Mætt eru: Lilja Dóra, Haraldur, Lára og Fanney. María Dóra boðaði forföll.

Svar hefur ekki borist frá HRFÍ vegna breytinga á reglum varðandi undaneldishunda í deildinni.
Bréf verður ítrekað til Hönnu á skrifstofu HRFÍ.
Lára ætlar að skrifa bréf til HRFÍ og athuga hvað kostar að láta augnskoða heilt got, sé það skoðað fyrir 10 vikna aldur. Spurning hvort það þurfi að borga fullt gjald fyrir hvern hvolp.
Skila þarf inn reglum fyrir undaneldishunda hjá Rough collie.
Biðja á um að niðurstöður séu komnar úr mjaðmamyndatöku og að augnskoðunarvottorð sé ekki eldra en 18 mánaða.
Þarf að skila inn skriflega til deildarinnar svo þetta geti fylgt með reglum frá deildinni til HRFÍ.
Ákveðið að leggja fram tillögu um að sýningarreglur verði endurskoðaðar m.t.t. sýningameistara. Sjá bréf sem Lilja Dóra hefur skrifað.
Fjárhundadeildin Smali ætlar að halda námskeið fyrir þá sem hafa áhuga, innan FH. Námskeiðinu er ætlað að vera æfing fyrir smalaáhugaprófið sem verður haldið í haust. Þetta er helgarnámskeið þar sem hver hundur mætir einu sinni sinn hvorn daginn. Verð áætlað um 5.000 kr og rennur til Fjárhundadeildarinnar Smala.
Bréf hefur borist deildinni vegna ræktanda innan deildarinnar sem hafði haft 2 got undan sömu tíkinni án þess að hún fengi þá hvíld sem ræktunarreglur HRFÍ ætlast til að tíkur fái. Farið var yfir þetta og ræktandi skýrði mál sitt.
Ákveðið að hafa samband við skrifstofu HRFÍ og athuga hversu mörg áminningarbréf eru send frá félaginu á ári.
Hugmynd um að leggja fram tillögu á aðalfundi HRFÍ um breytingu á þessum reglum í samræmi við það sem viðhaft er hjá sænska kennel klúbbnum (SKK). Þar er reglan að sé tík látin gjóta 2 lóðarí í röð fái hún einnig hvíld 2 lóðarí á eftir.
Ástæða fyrir því að þetta er gert er sú að margir dýralæknar og ræktendur telja þetta betra fyrir tíkina, sérstaklega ef frjósemi er lítil.
Hugmynd um sameiginlega sýningu með annarri deild. María Dóra hefur samband við Deild íslenska fjárhundsins (DÍF) og athugar hvenær þeirra sýning verður og hvort það sé möguleiki að halda sýninguna með þeim. Jafnvel er þá möguleiki á að halda 2 sýningar yfir helgi, þannig að hver hundur eigi kost á að fá 2 dóma frá sitthvorum dómaranum.
Leggja fram tillögu á aðalfundi HRFÍ að hundeigendur verði beðnir um að mæta ekki með hundana sína á fjöldasamkomur s.s. 17.júní, tónleika o.þ.h. Þetta er gert hundanna vegna.
Fá fyrirlestur hjá Dagmar dýralækni, sem hún hélt á aðalfundi FH. Birta í Sámi.
Stefnt á að athuga með áhuga fólks á að hafa hundafimi fyrir félagsmenn FH. Það verður þá bindandi skráning. Tala við Ívar í sambandi við tíma fyrir þetta.
Hugmyndir fyrir sumarið:
-sameiginleg sýning með DÍF.
-fjárhundaæfing á vegum Smala
-helgarferð hundeigenda þar sem verður tjaldað, grillað...
-hundafimi

Næsti fundur verður sennilega haldinn í haust nema annað komi upp á s.s. sameiginleg sýning deildarinnar með öðrum.

Fanney Dagmar Baldursdóttir, ritari.

----------------------------------------------------------------------------------------------------------------

AÐALFUNDUR FJÁR- OG HJARÐHUNDADEILDAR HRFÍ
KÓPAVOGUR, 21.FEBRÚAR, 2007.

Lára Birgisdóttir setur fundinn.

Björn Ólafsson skipaður fundarstjóri og Fanney D. Baldursdóttir ritari.

Skýrsla stjórnar og tengiliða lesin og samþykkt af fundarmönnum.

Tveir fulltrúar ljúka ársstarfi núna og taka 2 fulltrúar við sem starfa þá í 2 ár. Lilja Dóra gefur kost á sér áfram og verður því næstu 2 árin, Björn Ólafsson gefur ekki kost á sér áfram og í hans stað gefur kost á sér Halldór Ásgeirsson. Hann var kosinn af fundarmönnum.

Önnur mál:
-Tillaga frá Maríu Dóru, setja alla skráða hunda inn á vefsíðu FH. Einnig mætti merkja sérstaklega við þá hunda sem eru dauðir.
-Senda inn til stjórnar að það verði hægt að nálgast ættbækur og heilsustatus hunda á netinu. Ath. með netsíðu svipaða þeirra sem sænski kennelklúbburinn hefur (www.skk.se).
-Ath með svokallað “pre-judge” til að flýta fyrir úrslitum á sýningum.
-Ath með möguleika á að flytja inn ferskt sæði.
-Pet passinn ræddur.
-Stefán kemur með tillögu til HRFÍ að atburðir verði skráðir lengra fram í tímann og að atburðir sem skráðir eru á vef HRFÍ verði lengur inni á netinu. Atburðir oft dottnir snemma út af netinu.
-Ath.semd til HRFÍ að gera póstlista, sem boðið er upp á á vefsíðu félagsins, skilvirkari. Þó nokkuð um að fólk fái aldrei pósta frá honum.

Að loknu kaffihléi var Dagmar Ýr Ólafsdóttir, dýralæknir, með fyrirlestur um augnsjúkdóma hjá fjárhundum. Farið var yfir algengustu sjúkdómana sem finnast hjá þessum tegundum, hvernig þeir lýsa sér, hvort og hvað sé hægt að gera við þeim.
Fyrirlesturinn var mjög fræðandi, áhugaverður og vel upp settur. Að venju hefði maður gjarnan viljað hafa fyrirlesturinn mun lengri. Dagmar svaraði spurningum að fyrirlestrinum loknum bæði um augnsjúkdóma og annað sem viðkemur dýralækningum o.fl

----------------------------------------------------------------------------------------------------------------

Tengiliðafundur Fjár- og hjarðhundadeildar HRFÍ 21. febrúar, 2007.

Mætt eru: Guðrún S. Sigurðardóttir, Nanna Lovísa Zophaniasdóttir, Bjarni Helgason, Alexandra Stegemann, Ása L. Knútsdóttir, Guðríður Magnúsdóttir, María Dóra Þórarinsdóttir, Björn Ólafsson, Lára Birgisdóttir og Fanney Dagmar Baldursdóttir sem ritaði fundargerð.

1. Farið yfir ISCH reglur sem verið að athuga með breytingar á. Tengiliðir sammála um að það sé ekki hægt að bæta mental testi við þennan titil þar sem erfitt sé að koma fyrir þessu prófi á þeim aldri hundsins sem þarft að vera. Sem dæmi var tengiliður Puli með hund skráðan í mental test í haust en prófi frestað vegna veðurs. Eigandi hunds hefur enn ekki heyrt af næsta prófi og er hundurinn að verða ársgamall.

2. Ný tegund kominn í deildina, Polish Lowland Sheepdog (PON) og tengiliður valinn fyrir þá tegund Bjarni Helgason.

3. Nanna Zophaníasdóttir vill hætta sem tengiliður og í hennar stað kemur Elín Lára Sigurðardóttir.

4. Bjarni Helgason hefur tekið að sér að búa til plakat fyrir hverja af tegundunum í deildinni. Þarf að senda honum texta og myndir til að setja á plakatið sem verður tilbúið fyrir næstu sýningu (mars).

5. Ákveðnum reglum þarf að fylgja í sambandi við tengiliði. Það er t.d. ekki nóg að vera eini eigandi tegundar á landinu til að gerast tengiliður. Stjórn FH velur tengiliði, þeir eru ekki kosnir.

6. Beðið um að einn úr stjórn FH verði settur inn á póstlista allra tengiliða svo hann geti fylgst með hvort póstar skili sér innan deildarinnar.
Tengiliðir verða að sjá um að senda póst á fólk innan sinnar deildar.

------------------------------------------------------------------------------------------------------------------------------------------------

Fundur hjá stjórn Fjár- og hjarðhundadeild Hundaræktarfélags íslands 1.febrúar, 2007

Mætt eru: Björn Ólafsson, Lára Birgisdóttir, María Dóra Þórarinsdóttir, Lilja Dóra og Fanney Dagmar Baldursdóttir.

1. Ósk FH um að 3 meistarastig nægji til ISCH. Ekki samþykkt hjá stjórn HRFÍ, þeir vilja alla veganna bæta við mental testi (mt). Farið yfir þetta og ekki talið rétt að gefa þetta eftir þar sem aðeins eru 2 mt í boði á ári hjá félaginu þegar mest hefur verið. Auk þess er erfitt að fá það til að passa mt og aldur hundsins en mt þarf að gerast á aldrinum 16-24 mánaða. Hæpið að treysta á að þá sé mental test.

Taka þarf fram hvaða tegundir þetta á við svo þetta verði ekki sett á þær tegundir sem ekki er krafist vinnuprófs á.

2. Bréf frá sýningardeildinni. Spurningum okkar svarað. Lára tekur að sér að svara þessu bréfi aftur og mælir þar með t.d. pre-judge fyrir dóma í úrslitum til að flýta fyrir úrslitum.

3. Ath. Með deildarsýningar hjá öðrum deildum og reyna að fá að fljóta með þeim í deildarsýningu fyrir okkar deild. Þannig er það ódýrara og minna mál. Þyrftum þá að finna dómara sem getur dæmt grúppu 1.

4. Bréf barst frá Grísku fjárhundafélagi þar sem þeir voru að gera könnun á vinnuprófum sem krafist er fyrir Border collieinn. María Dóra tekur að sér að svara þessu.

5. Fundarboð á fulltrúaráðsfund, sem verður haldinn í Gerðubergi 8.febrúar kl. 19:30. Björn Ólafsson og Fanney Dagmar Baldursdóttir munu fara á þann fund.

6. Hundafimi var haldin. Fáir mættu og plön um að halda þetta aftur og þá jafnvel að hafa bindandi skráningu áður.

Hætt var við hundasundið sem vera átti. Hundasundlauginni lokað vegna mikils aðsóknar hestamanna með hesta sína. Gaman að heyra að þetta gangi svona vel þótt leiðinlegt hafi verið að missa af hundasundinu hjá okkur.

7. Undirbúningur fyrir aðalfund. Björn Ólafsson ætlar ekki að gefa kost á sér aftur. Auglýsa hans sæti laust. Lilja Dóra bíður sig fram áfram. Héðan í frá eru allir kosnir til 2 ára svo einhver rótering ætti að geta verið á hverju ár.

8. Póstur til tengiliða: biðja þá að láta vita ef þeir ætla að vera tengiliðir áfram, hvort það verði breytingar og hvort nýjir tengiliðir vilji koma inn. Bæst hefur við ný tegund Polish Lowland Sheepdog og því von á nýjum tengiliði þaðan.

9. Fá bréf frá tengiliðum yfir samantekt á árinu hjá þeirra tegund.

10. Setja saman skýrslu stjórnar + samantekt frá tengiliðum.

Ritari: Fanney Dagmar Baldursdóttir.

------------------------------------------------------------------------------------------------------------------------------------------------

Fundur 21 nóvember 2006

3. fundur Fjár- og hjarðhundadeildar HRFÍ. 21. nóvember 2006

Lára sagði frá fulltrúaráðsfundi sem hún og María Dóra sóttu.

2. Bréf til stjórnar HRFÍ um breytingu á alþjóðlegum meistarareglum fyrir hunda sem tilheyra Fjár- og hjarðhundadeild og þurfa að skila vinnuhundaprófi skv. FCI.

Sömu reglur og verið hafa fyrir íslenskan meistaratitil.

Hundar af eftirtöldum tegundum (sjá lista) munu því þurfa 2 alþjóðleg meistarastig og eitt eftirtalinna prófa: fjárhundaeðlispróf, bronsmerki í hlýðni eða spori, IPO 1 (Schutzhund, SCHH 1), kåringspróf eða mental test.

Þetta á við eftirtaldar tegundir:

Australian Kelpie (293)

Belgískur fjárhundur (15) (öll feldafbrigði)

Czeslovakian Wolfdog (332)

Beauceron (44)

Briard (113)

Berger Picard (176)

Berger des Pyrénées (138 & 141)

Border Collie (297)

Bouvier des Ardennes (171)

Bouvier des Flandres (191)

Með þessu er verið að breyta reglunum nær þeim reglum sem eru í nágrannalöndum okkar.

3. Tillaga að breyttri tilhögun að sýningum HRFÍ

-Sent sýningarstjórn HRFÍ. Óska eftir að allar hundategundir hafi jafnan aðgang að báðum dögum og bestu tímum sýningar. Tegundir myndu þá “rótera” milli ára.

-Að það verði gerður helgarpassi sem gilti báða dagana.

-“Lögreglu-, toll- og björgunarhundar með ættbók HRFÍ fá niðurfellt skráningargjald á ræktunarsýningar.”

-2 dómarar sem gætu dæmt sömu tegund, 2 dómar fyrir helgina.

4. Reglugerð um skráningu í ættbók HRFÍ.

Breytingar eru tilbúnar frá tengiliðum eftirtaldra tegunda:

-Australian shepherd: (augnvottorð, mjaðmamyndun og skapgerðarmat)

-Border collie: (augnvottorð, mjaðmamyndun og skapgerðarmat)

-Briard: (augnvottorð, mjaðmamyndun og skapgerðarmat)

-Shetland sheepdog: (augnvottorð og bann við að blue merle verði paraður við annað en tricolour).

Reglur fyrir aðrar tegundir innan tegundahóps 1 (fyrir utan þýskan fjárhund) eru að augnvottorð undaneldisdýra skulu ekki vera eldri en 18 mánaða við pörun.

5. Bréf barst frá HRFÍ hvort áhugi væri á að samþykkja “kåringsprøve” sem vinnupróf hjá þeim tegundum sem þurfa að skila því.

Þetta var samþykkt og glaðst yfir að það skuli vera að bætast við þau próf (námskeið) sem við munum geta tekið með okkar hundum á Íslandi.

6. Afrit af niðurstöðum hunda sem tóku þátt í smaleðlisprófinu þann 21 október 2006 var samþykkt af stjórn FH að leggja til stjórnar Hrfí.

7. Boðið verður uppá hundasund og hundafimi á vegum fjár og hjarðhundadeldar í byrjun árs 2007.

8. Aðalfundur fjár og hjarðhundadeildar ákveðinn 21. febrúar 2007.

Eftirfarandi stjórnarmenn mættu: Lára Birgisdóttir, Lilja Dóra Haldórsdóttir, María Dóra Þórarinsdóttir,Björn Ólafsson og Fanney Dagmar Baldursdóttir ritaði fundagerð.

------------------------------------------------------------------------------------------------------------------------------------------------

Tengiliðafundur Fjár og Hjarðhundadeildar Hrfí.

7. júní 2006.

Fundur haldinn í Hlíðarsmára Kópavogi.

Stjórn Fjár- og hjarðhundadeildar: Lára, Björn og María Dóra, ásamt tengiliðum,

Alex fyrir Australian shepherd, Stefán fyrir Malinois, Ása fyrir Puli, Nanna fyrir Briard og Guðrún fyrir Border Collie.

Formaður Lára Birgisdóttir setti fundinn og bauð alla velkomna, rakinn var aðdragandi að stofnun deildarinnar og sagt frá fyrsta stjórnarfundi.

Búið var að sækja gögn á skrifstofu HRFÍ, þ.e. möppu fyrir hverja tegund og var þeim deilt á tengiliðina til varðveislu, síðan las Lára upp fyrir tengiliðina leiðbeiningar um hvaða hlutverk og verkefni tengiliðirnir hefðu og bæru ábyrgð á, tengiliðirnir fengu síðan möppu með leiðbeiningum og lista yfir stjórn og tengiliði þ.e. símanúmer nöfn og e-mail allra.

Næst var rætt um skipulagningu kynningarbása á sýningum félagsins og hvernig best væri að standa að þeim málum, þá var einnig rætt um móttöku nýrra félaga og hvernig þeir væru skráðir inn í deildina/félagið, allmiklar umræður urðu um hvað betur mætti standa að þessum málum.

Síðan var rætt um hvaða hugmyndir fólk hefði um starf deildarinnar, rætt um að nauðsynlegt væri að koma á smalaeðlisprófi, athuga breytingar á nýjum meistarakröfum, og allmiklar umræður urðu um námskeiða og prófhald á vegum félagsins.

Fundi var slitið um kl. 22,00

Fundageriðn var rituð af Maríu Dóru Þórarinsdóttir, í fjarveru ritara.

------------------------------------------------------------------------------------------------------------------------------------------------

Annar stjórnarfundur Fjár- og hjarðhundadeildar HRFÍ, 30.ágúst, 2006.

Mætt voru: Guðrún Sigríður Sigurðardóttir, María Dóra Þórarinsdóttir, Björn Ólafsson, Lilja Dóra Halldórsdóttir, Lára Birgisdóttirog Fanney Dagmar Baldursdóttir (ritari).

Alþjóðleg stig Heimsenda Hugs. Umræða var um alþjóðlegan titil, vísað var til sýningastjórnar. Innan tegundahóps 1 eru Border collie, Briard og Malinois þær tegundir sem þurfa að ljúka vinnuprófi (spori eða brons hlýðni) til að geta hlotið Alþjóðlegt meistarastig. Ekki hefur verið boðið upp á þessi próf síðan 2004.

Senda tillögu til HRFÍ um að breyta þessum reglum:
Alþjóðlegt meistarastig: - Mental test og
- hlýðni eða smalaeðlispróf
Rætt um hvaða sjúkdómar eru algengir í hverri tegund innan Fjár- og hjarðhundadeildarinnar. Óskað eftir að tengiliðir tegundanna skili inn hvaða heilsufarskröfur séu gerðar fyrir hverja tegund.
Heimasíðan: Guðrún sagði frá því hvernig gengi með heimasíðuna og að það þyrfti að skila inn efni á síðuna svo það væri hægt að setja eitthvað inn á hana. Í sambandi við ættbækur og heilsufar hverrar tegundar fyrir sig var álitið að betra væri að hver tegund sæi um það fyrir sig á sinni heimasíðu.
Hugmyndir um hvað sé hægt að gera innan hverrar tegundar fyrir sig s.s. göngur, fundir, námskeið o.fl.
Smalaeðlispróf verður haldið að Bjarnastöðum í Grímsnesi 21.október n.k. Guðrún S. Sigurðardóttir lagði inn bréf frá smalaklúbbnum Smala um að halda smalahundapróf fyrir Fjár- og hjarðhundadeildina. Áhugavert að vita hvort hundar innan Fjár- og hjarðhundadeildarinnar hafi í sér það fjárhundaeðli sem þeir voru upphaflega ræktaðir til. Auk þess er þetta skemmtilegt fyrir hundana og eigendur þeirra að mæta í svona próf. Að loknu prófi fá eigendur hundanna skírteini um hvernig hundurinn stóð sig. Þetta verður auglýst á heimasíðunni.
Sýningar: spurning um að halda deildarsýningu og hvað við getum gert til að fá dómara til að dæma á þeim. Nauðsynlegt að fá tímasetningu hunda inna FH til að rótera meira svo þeir séu líka sýndir á tímum þar sem fleiri eru á sýningunni. Seinast voru þeir fyrstir á laugardegi en verða nú næst á sunnudegi, ekki er enn vitað hvenær dags það verður.
Agility: Umræða var að fá kynningu á agility og stutt námskeið fyrir hunda innan deildarinnar.
Hundaskrúðganga niður Laugaveginn, 4.nóvember n.k. Reyna að fá sem flesta til að taka þátt í henni.

Tengiliðafundur :
Mætt eru: Guðrún Th. Guðmundsdóttir (sheltie), María Dóra Þórarinsdóttir, Björn Ólafsson, Lilja Dóra Halldórsdóttir, Lára Birgisdóttir, Guðrún S. Sigurðardóttir (Border collie) , Nanna Lovísa Zophaníasdóttir (Briard), Alexandra M. Stegemann (Australian sheperd) og Fanney Dagmar Baldursdóttir fyrir Guðríði Magnúsdóttur (Collie rough). Tengiliðir Bearded collie, Malinois og Puli ekki mættir.

Heimasíðan: þarf að skila inn myndum, FCI standard á íslensku/ensku eða dönsku + efni um hvað sé að gerast hjá tegundinni á landinu.
Minnt á göngu sem verður á vegum HRFÍ niður Laugaveginn 4.nóvember n.k.
Sýningar: Að halda deildarsýningu og hvað við getum gert til að fá dómara til að dæma á þeim.
Rætt um að eigendur hittist með sína tegund og hafi t.d. göngu eða fundi um tegundina, sæki námskeið saman o.þ.h.
Smalaeðlispróf að Bjarnastöðum 21.október n.k. Endilega að mæta með hundana og kanna smalaeðli þeirra.
Haustsýning HRFÍ. Alex sá um að skipuleggja dagskrá og básinn fyrir sumarsýningu HRFÍ, fyrir FH. Það tókst mjög vel og hún er til í að taka þetta að sér aftur.
Koma fram með hugmynd til HRFÍ að nota helgarpassa á sýningar. Þannig borgar fólk sig inn einu sinni inn um helgina og getur farið báða daganna, skoðað sölubásana og tegundakynningarnar.

Fanney Dagmar Baldursdóttir, ritari.

------------------------------------------------------------------------------------------------------------------------------------------------

Fyrsti stjórnarfundur ný stofnaðrar deildar í Hrfí.

Fyrsti fundur Fjár- og hjarðhundadeildarinnar (FH) var haldinn mánudaginn 5.júní, 2006 að Heimsenda í Kópavogi.
Mætt voru: María Dóra Þórarinsdóttir, Lára Birgisdóttir, Björn Ólafsson, Lilja Dóra Halldórsdóttir og Fanney Dagmar Baldursdóttir.

Í stjórn FHD eru:
Formaður: Lára Birgisdóttir (2 ár)
Ritari: Fanney Dagmar Baldursdóttir (2 ár)
María Dóra Þórarinsdóttir (2 ár)
Björn Ólafsson (1 ár)
Lilja Dóra Halldórsdóttir (1 ár)

Hver tegund innan FH hefur tengilið sem vinnur með stjórninni.
Farið yfir hverjir tengiliðir eru og hvert starf þeirra er. Þeir eru kosnir til eins árs í senn. Þeir verða boðaðir á fund 8.júní n.k.
Australian shepherd: Alexandra M. Stegemann,
Border collie: Guðrún Sigríður Sigurðardóttir,
Bearded collie: Ágúst Þórðarson,
Briard: Nanna Lovísa Zóphaníasdóttir,
Collie rough: Guðríður Magnúsdóttir,
Malinois: Stefán Þór Pálsson,
Puli: Ása Knútsdóttir
Shetland sheepdog: Guðrún Th. Guðmundsdóttir.

Eitt af störfum tengiliða er að sjá um að halda saman öllum upplýsingum sem skráðar hafa verið um hunda hjá HRFÍ. Mappa er til á skrifstofu HRFÍ sem á að nálgast og tengiliður geymir svo þá möppu og safnar gögnum í hana. Í möppunni eru allar niðurstöður um hunda innan tegundarinnar sem skráðar hafa verið hjá HRFÍ, s.s. skapgerðarmat, HD/AD myndanir, augnskoðanir, sýningar o.fl.
Lára ætlar að taka að sér að sækja möppurnar og koma þeim til tengiliða.

Fara yfir hvort standard tegundanna sé til á íslensku og ef svo er ekki hvort það væri möguleiki á að láta þýða hann og hver myndi greiða fyrir það. Ákveðið að fara eftir standard þess lands sem tegundin kemur frá. Á skrifstofu HRFÍ eiga að vera til upplýsingar um hvaða sjúkdómar eru algengir innan hverrar tegundar og hvaða sjúkdóma/veikleika þarf að leita að hjá hverri tegund áður en ræktað er undan hundum. Það þarf að nálgast þessar upplýsingar á skrifstofuna.

Umræða um hvort það henti tegundum innan FH að ljúka bronsprófi í hlýðni eða sporaprófi til að standast vinnuhlutann sem HRFÍ hefur sett kröfur um. Umræða var að halda smalaeðlispróf sem gætir komið í staðinn fyrir spor eða hlýðni.

Heimasíða verður undir HRFÍ síðunni en það er deildarinnar að setja hana upp. Spurning hvort þetta sé síða sem við fyllum uppí eða hvort við þurfum að setja hana upp frá grunni. Áhugi er á að koma upp gagnabanka yfir þær upplýsingar sem til eru um hundana álíkt því sem Retrieverdeildin hefur. Þar er safnað saman upplýsingum og niðurstöður prófa hjá einstökum hundum. Þetta væri á heimasíðu FH og hægt að fletta upp í henni.

Fundagerð ritaði Fanney Dagmar Baldursdóttir.

------------------------------------------------------------------------------------------------------------------------------------------------

(C) Fjár- og hjarðhundadeild - Allur réttur áskilinn