HEILSUFARSKRÖFUR FJÁR- OG HJARÐHUNDADEILDAR HRFÍ

​Australian Cattle Dog:
  • Undaneldisdýr skulu mjaðmamynduð

Australian shepherd:
  • Skottlengd skal skráð.
  • Undaneldisdýr skulu hafa gilt augnvottorð. Greinist hundur með arfgenga starblindu (hereditary cataract) skal hann skráður í ræktunarbann.
  • Undaneldisdýr skulu mjaðmamynduð. Greinist hundur með mjaðmagráðun D eða E verða afkvæmi hans ekki skráð í ættbók. 
Fjár- og hjarðhundadeild mælir einnig með:
Agnskoðun hvolpa fyrir 12 vikna aldur með tilliti til CEA(Collie Eye Anomaly).
Bearded collie:
  • Undaneldisdýr skulu hafa gilt augnvottorð og vera mjaðmamynduð

​Belgian Shepherd Dog (öll feldafbrigði):
  • Skráning feldgerða: G (Groenendael), L (Laekenois), M (Malinois), T (Tervueren).
  • Undaneldisdýr skulu hafa gilt augnvottorð og vera mjaðma- og olnbogamynduð. 

Berger de beuce(Beauceron):
  • Undaneldisdýr skulu mjaðma- og olnbogamynduð.
Border collie:
  • Undaneldisdýr skulu hafa gilt augnvottorð. Greinist hundur með arfgenga starblindu (hereditary cataract) skal hann skráður í ræktunarbann. Undaneldisdýr skulu mjaðmamynduð. Greinist hundur með mjaðmagráðun D eða E verða afkvæmi hans ekki skráð í ættbók. 
Fjár- og hjarðhundadeild mælir einnig  með:
Augnskoðun hvolpa fyrir 12 vikna aldur með tilliti til CEA(Collie Eye Anomaly).

 Bouvier Des Flandres:
  • Undaneldisdýr skulu hafa gilt augnvottorð og vera mjaðma- og olnbogamynduð.

Briard:
  • Undaneldisdýr skulu hafa gilt augnvottorð og vera mjaðmamynduð. Greinist hundur með mjaðmagráðun D eða E verða afkvæmi hans ekki skráð í ættbók. 

Colle Rough/Smooth:
  • Undaneldisdýr skulu augnskoðuð eftir eins árs aldur og niðurstaða kunn fyrir fyrstu pörun. Augnvottorð gildir ævilangt.
  • Undaneldisdýr skulu vera mjaðmamynduð.
  • Sable hvolpur úr pörun þar sem annað foreldri er blue merle er skráður með ræktunarbann. Ræktunarbanni má aflétta sýni niðurstaða DNA prófs að hvolpurinn beri ekki merle gen (sable merle). 
Fjár- og hjarðhundadeild mælir einnig með:
Agnskoðun hvolpa fyrir 12 vikna aldur með tilliti til CEA(Collie Eye Anomaly).  

Old English Sheepdog:
  • Undaneldisdýr skulu hafa gilt augnvottorð. Greinist hundur með arfgenga starblindu (hereditary cataract) skal hann skráður í ræktunarbann.
  • Undaneldisdýr skulu mjaðmamynduð. Greinist hundur með mjaðmagráðun D eða E verða afkvæmi hans ekki skráð í ættbók. 
Fjár og hjarðhundadeild mælir einnig með:
Augnskoðun hvolpa fyrir 12 vikna aldur með tilliti til CEA(Collie Eye Anomaly).

Polish Lowland Sheepdog:
  • Undaneldisdýr skulu mjaðmamynduð.

Polish Tatra Sheepdog:
  • Undaneldisdýr skulu hafa gilt augnvottorð og vera mjaðmamynduð.

Shetland sheepdog:
  • Undaneldisdýr skulu augnskoðuð eftir eins árs aldur og niðurstaða kunn fyrir fyrstu pörun. Augnvottorð gildir ævilangt.
  • Sable hvolpur úr pörun þar sem annað foreldri er blue merle er skráður með ræktunarbann. Ræktunarbanni má aflétta sýni niðurstaða DNA prófs að hvolpurinn beri ekki merle gen (sable merle). 
Fjár- og hjarðhundadeild mælir einnig með:
Augnskoðun hvolpa fyrir 12 vikna aldur með tilliti til CEA (Collie Eye Anomaly).
​

White swiss shepherd dog:
  • Skráning feldgerðar: M (medium length coat), L (long coat).
  • Undaneldisdýr skulu vera mjaðma- og olnbogamynduð. Greinist hundur með mjaðma-/olnbogagráðun D/2 eða E/3 verða afkvæmi hans ekki skráð í ættbók                                                  
Fyrir aðrar tegundir í tegundarhópi 1 (utan þýsks fjárhunds) gildir:
Augnvottorð undaneldisdýra skulu ekki vera eldri en 18 mánaða við pörun (gildir frá 01.03.09)

Fjár- og hjarðhundadeild leggur áherslu á að mikiðvægt er að ræktendur hafi fengið niðurstöður úr mjaðmamyndum og augnskoðunum áður en parað er.

Að auki vill deildin árétta almenn ákvæði VI kafla reglna HRFÍ um skráningu í ættbók:

Hvolpar fást ekki skráðir í ættbók HRFÍ nema að viðkomandi undaneldisdýr hafi uppfyllt eftirtalin skilyrði:
  • Auðkenna skal öll undaneldisdýr fædd eftir 1. janúar 1997 með varanlegu auðkenni örmerki eða húðflúri. Eingöngu er tekið gilt örmerki sem er skráð og skjalfest af dýralækni, þar sem þeir einir hafa réttindi til að örmerkja hunda.
  • Sérreglur gilda fyrir alla undaneldishunda sem tilgreindir eru í VI. kafla um undaneldisdýr hvenær sem þeir eru fæddir. (Undanskilið varanlegt auðkenni).
  • Lágmarksaldur hunda í mjaðma- og olnbogamyndatöku er 12 mánuðir. (Undanskilið 10 hundakyn.)
  • Hundar sem greinast með C mjaðmir mega eingöngu parast með hundum með A eða B mjaðmir.
  • Ekki er leyfilegt að para tvo merle hunda saman. 
  • Áríðandi er að ræktendur noti ekki til undaneldis þá hunda sem uppfylla ekki þau heilsufarspróf (t.d. augnskoðun, mjaðmamyndun og/eða olnbogamyndir) sem gilda fyrir tegundina. Þeir ræktendur sem uppfylla ekki þessar kröfur verða áminntir með bréfi sem jafnframt verður sent til viðkomandi ræktunardeildar og Siðanefndar HRFÍ.
  • Röntgenmyndir af mjöðmum og olnbogum hunda eru sendar til Svíþjóðar eða bandaríkjanna til aflestrar. Myndir eru ekki sendar utan fyrr en ættbókarskírteini hundsins hefur borist á skrifstofu HRFÍ ásamt greiðslu fyrir kostnaði.
  • Við augnskoðun á vegum HRFÍ er leitað eftir þeim augnsjúkdómum sem eru arfgengir í hverju hundakyni.
  • Greinist hundur með arfgenga vaxandi sjónurýrnun (PRA) fást hvolpar undan honum ekki ættbókarfærðir, né afkvæmi hvolpa hans úr fyrri gotum og/eða fleiri afkvæmi foreldra hans.

                                 Stjórn  Fjár- og hjarðhundadeildar                 ​